И шикилдай аквазвай стхаяр тир Агьмадни Муслим Ибрагьимовар Дербент шегьерда дидедиз хьана ва ана яшамиш жезва. Абурун ери-бине КцIар райондин Вини Тагьиржал хуьряй я.
Чпин гъвечIи яшариз килиг тавуна, Агьмадалай ва Муслималай спортда, кьилди къачуртIа, Бразилиядин джиу-джитсудай агалкьунар къазанмишиз алакьнава. ИкI, 7 йис тамам хьанвай Агьмад 2022-йисуз кьиле фейи Евразиядин кIвенкIвечивал патал акъажунра 1-чкадиз лайихлу хьана. Ам СКФО-дин кIвенкIвечивал патал акъажунрин призер, Дагъустандин кIвенкIвечи, республикадин жуьреба-жуьре турниррин гъалибчи я.
ЧIехи стхадилай чешне къачузвай Муслим лагьайтIа, адан 5 йис я, алатай ва алай йисузни Россиядин чемпионатдин финалдиз акъатна. Идалай вилик ада республикадин жуьреба-жуьре турниррани гъалибвилер къазанмишнава.
Р. Рамалданова
