13-июндиз ЦIийи Уренгой шегьерда залан атлетикадай кьиле фейи Россиядин чемпионатда Исмаил Гьажибегова 55 кг-дин заланвал авайбурун арада цIийи рекордар эцигуналди, уьлкведин чемпионвилин тIвар (гила кьвед лагьай сеферда) къазанмишна.
Малум хьайивал, И.Гьажибегова, санлай къачурла (рывокда — 112 кг ва толчокда — 125 кг) — 237 кг., Челябинскдин ва Новосибирскдин областрай тир Озал Абдулгьамидова 212 кг ва Андрей Кучерова 211 кг хкажна.
РикIел хкин: тренер Гь.Закарьяеван гъилик вичин устадвал хкажзавай И.Гьажибегова Россиядин чемпионвилин тIвар 2021-йисузни къазанмишнай. Ам залан атлетикадай Россиядин Кубокдиз галаз- галаз пуд сеферда лайихлу хьанвай, дагъустанвийрикай ихьтин еке агалкьун къазанмишнавай сад лагьай атлетни я.
Р. Рамалданова
