И мукьвара Татарстан Республикадин Альметьевск шегьерда 23 йисал къведалди яшда авай спортсменрин арада Россиядин кIвенкIвечивал патал грекринни римлуйрин жуьреда кьуршахар кьунай кьиле фейи акъажунра чи уьлкведин 50-дав агакьна регионрай 400-далай виниз спортсменри заланвилин 10 категориядай гьасиррал чпин устадвал къалурна.
Уьлкведин чемпионвилин тIвар къазанмишун патал акъажунра чи машгьур спортсменри, Москвадин патай экъечIзавай стхаяр Анвар ва Январ Аллагьяроврини иштиракна. ИкI, 60 кг-дал къведалди заланвал авайбурун арада финалда Анвар Аллагьяроваз Санкт-Петербургдай тир Довуджон Тошоев 5:2 гьисабдалди кумукьна. Амма 63 кг-дал къведалди заланвал авайбурун арада финалдиз акъатдалди вири бягьсер инанмишвилелди гъалибвилер къазанмишуналди акьалтIарай Январ Аллагьяров ХМАО-дай тир Рагьман Тавмурзаеваз 1:2 гьисабдалди куьмукьна. Нетижада ам 2-чкадиз лайихлу хьана.
Рагнеда Рамалданова
