Алатай гьафтедин эхирра Краснодардин крайдин Лермонтово хуьре какахьай женгерин искусствойрай — ММА-дай (Ориентал), грэпплингдай ва Бразилиядин джиу-джитсудай международный акъажунар кьиле фена.
Дагъустандин хкянавай команда 1-чкадиз лайихлу хьана. Талукь тирвал, 2 ва 3-чкаяр Челябинскдин ва Ростовдин областрин хкянавай командайри кьуна. Идакай «Лезги газетдиз» РД-дин физический культурадин ва спортдин министерстводин пресс-къуллугъди хабар гана.
Малум хьайивал, акъажунра Россиядай, Эрменистандай ва Къазахстандай тир 20 командадик кваз 300-дав агакьна спортсменри иштиракна. ИкI, Бадави Гьасанова регьбервал гузвай Дагъустандин хкянавай командади вири санлай 61 медаль къазанмишна (абурукай къизилдинбур — 48).
Гъалибвилин ва приздин чкаяр кьур спортсменар гьазурай тренеррин арада ава: Эйнар Экберов, Рустам Межидов, Бадави Гьасанов, Алим Рашидов, Буба Бубаев, Абдулла Абдуллаев, Насрулла Даудов, Къурбан Гьуьсейнов, Алихан Мегьамедов, Гаирбег Гаирбегов.
Рагнеда Рамалданова
