Алай йисан 20-июлдилай Россиядин премьер-лигадин цIийи сезон гатIунзава. Футболдин матчриз фидай билетар маса къачун ва къугъунриз килигун патал гила Fan ID — болельщикдин карта — герек жеда. Болельщикдин карта (адаз гьакIни болельщикдин паспорт лугьузва) адан сагьибдиз спортдин акъажунриз килигдай мумкинвал гузвай электронный документ я. Сифте яз ихьтин карта уьлкведа 2014-йисуз Сочида Олимпиададин къугъунра кьиле фейи...
Нубатдин гъалибвал
Мукьвара Кабардино-Балкария Республикада СССР-дин спортдин мастер Казбек Панагьован гьуьрметдай самбодай Вирироссиядин турнир кьиле фена. Терекдиз уьлкведин виридалайни хъсан спортсменар атанвай. Абурун арада ери-бине Кьасумхуьрелай тир универсальный женгерай 4-сеферда дуьньядин чемпион, дзюдодай Россиядин Кубокдин сагьиб, Дагъустанда сад лагьайди яз самбодай Россиядин чемпиондин тIвар къачур Аслан Къурбановни авай. Чи ватанэгьлиди акъажунра 88 килограммдин заланвилин категориядай галаз-галаз 4...
Чемпиондин гьуьрметдай
Сербиядин Нови-Сад шегьерда Европадин кIвенкIвечивал патал 18 йисал къведалди яшда авай жаванрин арада азаддаказ кьуршахар кьунай кьиле фейи акъажунра къизилдин медаль къазанмишай Агъаширин Агъашериновни и йикъара хайи Белижда шад гьалара къаршиламишна. Гъалибвал вичин багърийриз ва лезги халкьдиз бахшнавай кьегьалдихъ мадни зурба агалкьунар хьун чи мурад я.
Агалкьун тебрикна
Чна идалай виликни хабар гайивал, июндиз Ульяновскда ММА-дай кьиле фейи FIGHT NIGHTS чемпионатда гзаф заланвал авайбурун арада къизилдин медаль къазанмишай, вичин ери-бине СтIал Сулейманан райондин Агъа СтIалдилай тир Казбек Сайидалиев (финалда адаз Ульяновскдай тир тежрибалу спортсмен Омар Алиев кумукьнай) и йикъара райадминистрацияда шад гьалара къаршиламишна. Райондин кьил Саид Темирханова чемпиондиз агалкьун тебрикна, спорт вилик тухуник...
Лайихлувал къалурна
Дагъустандай тир дзюдоистри 6 ва 7-июлдиз Чечнядин меркезда кьиле фейи Кеферпатан Кавказдин федеральный округдин (СКФО) чемпионатда жуьреба-жуьре 9 медаль къазанмишна. Республикадин команда 45 спортсмендикай ибарат тир. СКФО-дин призервилин тIварариз ва, кьилинди, алай йисан октябрдиз Сочида кьиле фидай уьлкведин чемпионатдиз путёвкаяр къазанмишайбурун арада чи ватанэгьлияр Рамин Баязов ва Аслан Къурбанов (кьведни 90 кг-дал къведалди заланвал авайбурун...
Рамазан Ферзалиеван нубатдин агалкьун
И йикъара Каспийскда, азаддаказ кьуршахар кьунай дуьньядин 5 сеферда чемпион Али Алиеван экуь къаматдиз бахшна, спортдин и жуьредай кьиле тухвай международный 54-турнир акьалтIна. Чи машгьур спортсмен Рамазан Ферзалиев 65 кг-дал къведалди заланвал авайбурун арада буьруьнждин медалдиз лайихлу хьана. ИкI, А. Алиеван тIварунихъ галай спортдин имаратда кьиле фейи акъажунра Россиядин са кьадар регионрин, къунши республикайрин хьиз,...
Саидан къизил
Нови-Сад шегьерда кьиле фейи акъажунра чи мад са ватанэгьлиди — вичин ери-бине Азербайжандин КцIар райондай тир Саид Пашаева грекринни римлуйрин жуьреда кьуршахар кьунай 92 кг-дал къведалди заланвал авайбурун арада Европадин кIвенкIвечивилин тIвар, къизилдин медаль къазанмишна. ИкI, сифтегьан 4 бягьсина гъалибвилер къазанмишай (абурукай 3 ада вахт куьтягь жедалди акьалтIарна) Саидаз финалда бягьсиниз экъечIнавай Сербиядай тир Стефан...
Руьгь хкажзавайбур
Сербиядин Нови-Сад шегьердай шад хабарар чав икьван гагьдини агакьайди я. Нубатдин сеферда чун вичин ери-бине Белиждай тир Агъаширин Агъашеринова шадарна. Европадин кIвенкIвечивал патал 18 йисал къведалди яшда авай жаванрин арада азаддаказ кьуршахар кьунай кьиле фейи акъажунра ада къизилдин медаль къазанмишна. А. Агъашеринова гъалибвал вичин багърийриз ва лезги халкьдиз бахшзава. Дугъриданни, Агъаширинан гъалибвал тарифдиз лайихлуди, рикIивай...
Спортдин хабарар
Са шумуд югъ идалай вилик Ульяновск шегьердин «Волга-Спорт-Арена» спорткомплексда ММА-дай кьиле фейи FIGHT NIGHTS чемпионатда 100-лай виниз спортсменри чпин устадвал къалурна. ИкI, гзаф заланвал авайбурун арада СтIал Сулейманан райондин Агъа СтIалдилай тир Казбек Сайдалиева къизилдин медаль, чемпионвилин тIвар къазанмишна. Финалда адаз Ульяновскдай тир тежрибалу спортсмен Омар Алиев кумукьна. Чна чи ватанэгьлидиз спортдин уьмуьрда лишанлу вакъиа...
Устадвал къалурна
Мегьарамдхуьруьн райондин ЦIийи Гъепцегьрин ва КьепIир-Къазмайрин хуьрера тренер-муаллим, джиу-джитсудай дуьньядин са шумудра чемпион Эйнар Экберовахъ вичихъ хьиз, адан гъилик устадвал хкажзавай гъвечIи пагьливанрихъни хъсан нетижаяр жезвайдакай чна газетда мукьвал-мукьвал чапзава. ИкI, и йикъара Краснодардин крайдин Лермонтово хуьре какахьай единоборствойрай дуьньядин Кубок патал дуьньядин 5 уьлкведай тир 20 командадик кваз 400-далай виниз спортсменри чпин устадвал къалурна....