27-ноябрдиз Махачкъалада, тарихдин “Урусат — зи тарих” паркунин актовый залда “Лезги газетдин” 100 йисан юбилей шад гьалара къейдна. Редакциядин коллектив тебрикунин мураддалди иниз неинки лезги  яратмишунардай интеллигенциядин, илимдин, СМИ-дин векилар, государстводин деятелар, министрар, алимар, муаллимар, гьакI республикадин жуьреба-жуьре чIаларал акъатзавай газетрин регьберар, милли прессадал рикI алай ксар атанвай. Газетдин асирдин юбилейдин мярекатра иштиракун, редакциядин коллектив...

Гьуьрметлу дустар! Ингье йисан эхиримжи варзни чи вилик ква. Чна зулун къайи, къулайсуз вахт алудзава. Юкъуз са тIимил чими ятIани, йифиз мекьи я. Гьа са вахтунда им я зулни хьиз туш, я кьуьдни. ХъуьтIуьн асул лишан жив я. Декабрдин вацра а лишанни чав агакьда. Йикъар виридалайни куьруь, йифер виридалайни яргъи хьайила, хъуьтIуь вич мукьув гвайди...

КьетIен бажарагъдин иеси Вичел “Лезги Чехов” тIвар акьалтнавай Дагъустандин халкьдин духтур, яргъал йисара  вичикай  чи  республикада  дидейринни балайрин амадаг, абур саламат хуьдай Лукь­ман хьанвай акушер-гинеколог, илимрин кандидат, ДГМА-дин доцент  Азедин  Мурадович  Эсетован  и йикъара 85 йис тамам жезва. Гьелбетда, гьам вич патални, хизандизни, чидайбурузни тебрикриз кутугнавай вакъиа я. Яшар хьуни инсан кIудда лугьузва. Ам­ма яшари...

1. Виликдай милициядин генерал (урус гаф). 2. Гзаф зегьерлу дар­ман. 3. Португалияда са шегьер. 4. Малар хуьзвайди. 5. Махачкъалада са поселок. 6. Улакь фидайла, къарсун тIимилардай, адан чархаринни кузовдин арада жедай ракьун затIар. 7. “Словарь” гафунин синоним. 8. Тамухъан. 9. Папан буба. 10. Венгрияда са шегьер. 11. Са нин ва я куьн ятIани ихтиярар гъилевай...

Мурад Мегьамедкеримов Агъа СтIалрилай я. Хайи чилихъ, чIалахъ рикI кузвай стхади «Лезги газетдин» редакциядиз вичелай алакьдай куьмекар гузва. Шаз хьиз, цIини ада «Лезги газет» — гьар са кIвализ» серенжемда иштиракзава. Идалай гъейри, Мурад Мегьамедкеримова «Лезги газетдин» редакциядин «Лезги чIалал ктабар» тIвар алай проектдин сергьятра аваз акъуднавай «100 тапшуругъ» ктабар маса къачуна, абур лезги мектебра кIелзавай...

Ери-бине Ахцегь райондин Игъиррин хуьряй тир, ДГТУ-дин высший математикадин кафедрадин муаллим, “Лезги газетдин” амадаг Агъамет  Зергерович  Салагьоваз: Илимдин рехъ кьуна гъиле, Гьар са карда ава кIвенкIве. Четинвилер ацалт тавуй Вал уьмуьрдин гегьенш рекье.   Игъирвиди, кьегьал хци, Ягьни намус цав хьиз михьи, Дидед чIални пак адетар Ядигар хьиз хуьзва экуь.   Гьавиляй вун хьанва чешне,...

Шадвилин мярекат. СтIал Су­лей­манан райондин культурадин дараматдин тамашачийрин зал инсанрив ацIанва. — Машгьур шаир Седакъет Керимовадин “Чан дидедин” мани та­мамарда Ханум Агъамирзоевади. — Концертдин нубатдин нумра малумарзава конферансье Ярагьмед Ярагьмедова. Тамашачийри гурлу капар язава. Сегьнедиз милли парталар алаз жегьил руш экъечIзава. Ада назик, ширин сесиналди лугьузвай маниди тамашачияр гьейранарзава… Вуж я ам, тамашачийриз сейли жегьил...

Гзаф кIелнавай, дерин чирвилер авай, вичин пешедал ашукь  Зарема  Агъахановна  Идрисовади —  СтIал Сулейманан райондин ЦIийи поселокдин мектебдин урус чIалан ва литературадин муаллимди чIуг­вазвай зегьмет екеди я. Адаз вичин тарсариз мектебдин кьиле авайбур ва я аялрин диде-бубаяр атун гзаф кIан­да. На  лугьуди, ам сегьнедал алай артистка я, Зарема Агъахановнади рикI алай аялрив чирвилер агакьарунин карда...

Аскер-интернационалист Абдул Саидован тIварунихъ галай Эминхуьруьн юкьван школада хъсан къиметар аваз кIелзавай, школадин ва райондин школьникрин мярекатра активвилелди иштиракзавай аялар гзаф ава. Ихьтинбурукай яз завай 5-класс­дин ученик  Гьамидов  Мегьамедсаламан (шикилда) тIвар кьаз жеда. — Мегьамедсалам гьам кIелунин, гьам ахлакь-низамдин рекьяй гзафбуруз чешне я, — лугьузва школадин директор Рагьман Османова. — Ада алай йисуз лезги чIалан...