Эминхуьруьн библиотекада хуьруьнвияр — РФ-дин культурадин лайихлу работник, Россиядин журналистрин Союздин член  Алаудин  Гьамидован  “Багьа чил — багьа накьвар” ва Россиядин журналистрин, лезги­ писателрин союзрин член  Хазран  Кьасумован  “ЗуькIуьд булах” ктабрихъ галаз танишаруниз талукьарнавай мярекат кьиле фе­на. ЦIийи ктабрикай, абурун авторрикай куьрелди суьгьбет авуналди, мярекат библиотекадин заведующий  Алла  Буржалиевади  ачухна. Хуьруьн агъсакъалрин советдин член Исмаил...

Чун уях я… Акуна-такуна, кьуьдни алатна. Чи ракIарал Яран сувар-гатфар атанва! ТIебиатда хьиз, инсанрин рикIерани, ниятрани, крарани гзаф цIийивилер кьиле физва. Инсанри уьмуьрдин генгвиликай, мублагьвиликай, яшайишдин къулайвилер артух хьуникай фикирзава. Амма дуьньяда чIулав къуватарни тIимил туш. Дуьньядал эл­къвен­вай вилиз таквадай душман-тIугъвал алат тавунмаз, чун агъзур­ йисара Россиядин са пай, урус халкьдихъ галаз са халкь, са...

Советрин девирда яшамиш жезвай халкьарин арада дуствилин алакъаяр хуьнин карда яратмишзавай интеллигенциядин векилри кьетIен чка кьазвай. Ихьтин алакъайрин бине кутурбурукай сад Дагъустандин халкьдин шаир СтIал Сулейман тир. Советрин Союздин вири республикайрин, са жерге къецепатан уьлквейрин агьалийри чIехи шаирдин яратмишунар чпин хайи чIаларалди кIелзавай. Ихьтин шартIара са халкьдиз маса халкьдин писателри квекай кхьизватIа, абуру чпин эсерра...

Играми газет кIелзавайбур! Малум тирвал, жуьреба-жуьре уьлквейри Урусатдиз акси санкцияр кьабулнава. Абурун нетижада, хейлин регионра хьиз, Дагъустандани бязи метягьрин къиметар хкаж, къецепатан уьлквейрай метягьар хкизвай хейлин рекьер агал хьанва. Арадал атанвай гьалара республикадин бюджетдай чара авунвай пулдин такьатар кьенятунин игьтияж арадал атанва. И месэла Дагъустанда акъатзавай СМИ-ризни талукь я. Гьавиляй, и нумрадилай гатIунна, “Лезги газет”...

Алатай гьафтеда Агъа СтIалрин юкьван мектебда “Лезги газетдин” редакциядин махсус проектдин сергьятра аваз акъуднавай “Лезги чIал чирин” ктабдин презентация кьиле фена. Мярекатда СтIал Сулейманан райондин кьил Нариман Абдулмуталибова, “Лезги газетдин” кьилин редактор Мегьамед Ибрагьи­мова, райондин кьилин сад лагьай заместитель Лацис Оружева, РФ-дин Президентдин патав гвай РД -дин Гьамишалугъ Векилханадин Общественный Советдин член Мурад Мегьамедкеримова,  образованидин...

(Эвел — 9, 10-нумрайра) …Цуругърин мискIиндин цлара чпел тарихдиз талукь рекъемар алачир, куфи хатIунал кхьинар атIанвай къванерни ава. Абурукай сад 110×25 сантиметрдин кьадардин къван я. Адал алай кхьинрин са паюниз хасаратвилер хьанва. Кьилди къачуртIа, вини кьиляй авай сад лагьай цIар михьиз терг хьанва: Таржума: “1) (Мугьаммад) — къуй ам ва адан хизан Аллагьдин регьимдик хьурай....

Кьиблепатан Дагъустандикай гьарамзадаярни арачияр ва антиквариат маса къачузвайбур патал майдан хьанва. И кар иллаки халичаяр санай масаниз тухуниз талукь я. Чкадин агьалияр алдатмишуналди, абуру чи хуьрерай халичаяр кIватI­зава ва маса къачунай гьатта пулни теклифзавач. Адан эвездай куьгьне халичаяр фабрикайрин синтетикадихъ дегишарун тIалабзава. Абурухъни са къиметни авач, гьакъикъатда им зирзибил я. Кьибле­патан Дагъустандин гъилин халичаяр ма­са...

20-мартдиз СтIал Сулейманан райондин Эминхуьруьн юкьван мектебда­ лезги чIалай республикадин дережадаваз олимпиада кьиле фида. Адан теш­килатчияр “Лезги газетдин” редакцияни мергьяматлувилин “ЛЕКИ” фонд я. Олимпиада 11-классра кIелзавай аялрин арада тухузва. Гьар са мектебдай мярекатда анжах 1 аялдивай иштиракиз жеда. Гъалибчияр патал 10 чка тайинарнава. 1-чка кьурдаз — 25, 2-чка — 20,     3-чка — 15, 4-чка —...

“ЛГ”-дин 9-нумрадиз акъатай сканворддин жавабар: Дуьз цIарара: Аладаш. Рапрап. КIвалакI. Нукьсан. ЖаллатI. Агьали. Мубарак. Бурав. Мишер. Тик цIарара: Аставал. ШаркIунтI. Дергес. Надинжвал. “Лада”. Такабур. Бадам.

Лезги чIал чIехи тарих авай девлетлубурукай сад я. Масабу­ра хьиз, анани къецепатан чIа­ларай (араб, фарс, туьрк) атанвай гафар тIимил авач. Идалайни гъейри, литературный чIала гьат тавунвай ну­гъат­рин гафарни ава. Гьайиф хьи, гафарганра гьатнаватIани, кхьинра, рахунра тIимил менфят къачузвайвиляй михьиз квахьдай чкадал алай гафарни ава. Гъилевай нумрадилай гатIунна, чна “Яру ктабда” гьатнавай, нугъатра­ авай гафарикай куьруь...