КЪАКЪУН — скамейка, табуретка (и гаф Манкъулидин хуьруьн нугъатда ва Римма Гьажимурадовадин эсерра гьалтзава).
КIИРАЦ — еке сарар авай кас (и гаф ТIагьиржалрин хуьруьн нугъатда ава).
ЛАМБУК — гъвечIи кесек, гъвечIи къумбак (и гаф, мисал яз, ТIагьиржалрин хуьруьн нугъатда ава).
ЛАНЖ — къуй (колодец) (и гаф Хьиларин нугъатда ва Седакъет Керимовадин эсерра гьалтзава).
ЛАХЪУЦ — гзаф галатнавай, гзаф юргъун хьанвай, такьат амачир кас (и гаф Ю.Халилован гафарганда ава).
ЛЕЛЕВ — чакъал (шакал) (и гаф У.Мейлановадин, М.Бабаханован, Ф.Насрединован гафарганра гьатнава).
ЛИПI — трутень (и гаф Агъа Лакарин нугъатда ава).
ЛУЬЗ — сувагъ (и гаф Хьиларин нугъатда ава).
МАЛАГЪАН — гъилин гъел (алерар), гъвечIи гъел (ТIагьиржалрин хуьруьн нугъатда ава).
(КьатI ама)
Гьазурайди — Мурад Саид
