Зи Бахцугъар Зи Бахцугъар — зи кIани хуьр, Зи муг, зи къул, зи кIани хуьр, Мелни мехъер, гьуьрмет авай, Гьар са жуьре девлет авай. Бахцугърин хуьр-бине дагъ я, Векьин яйлах, гуьне рагъ я. Хеб-мал хуьниз мерд утагъ я! Гьар са хвани са къуччагъ я! Амма къвез-къвез жезва баят, Аквазмач са ацIай гьаят. ГьикI...
Кьве стха Риваят Са вахтара Яшамиш жез хьаналда Еке чилел Чеб кьве стха — чубанар… Зегьем вахт тир, Лап кузвай чил, цаварни. Аси лукIар Тир гьа инра инсанар. Яргъи югъ тир, Яд кIан хьана абуруз. ЧIехи стха Лап хиялри тухвана. Вугана гичин, Буйругъ гана ракъурна Булах галай Терефдихъ. Кьил чухвана. ГъвечIи ...
Бейтер Чанда туна на герексуз ялавар, Кьан тийир тIуьн жедани бес иливар? * * * Тапунихъ авач чуьнуьх жедай кул-кусар, Яргъал фидач кIел тавур а ви курсар. * * * ХъуьтIуьн чин явшан я, гуз тежер цуьквер. Жагъидач, аквадач ваз анай шекер. * * * КIинивилин дад масад я, азизди. Адахъ авай чад масад я,...
Хуьруьн руш ( Шегьерэгьли гададин мани ) Лезги хуьре гьалтна зал Вун, булахдал фидайла. Амукьна зун кьуна чIал, Гафар пара чидайла. Гурпна рикIи мад ва мад, ЦIай зи хура куькIуьриз. ХъванайтIани са квар яд, Жедачир ам туьхуьриз. Тикрарбенд: Хуьруьн руш, Эркин руш, Хьанва заз Ширин руш. Туш зи рикI Секин, руш. Вучин за? ГьикIин,...
Гатун марф ДакIардал кIвалин ацукьайла зун, Марфади гатун чилер гатазвай. Са къатда ятар чи чIутхваррай физ, Шур-шурдин ванциз зи рикI ахъазвай. Цав цифери кьунва, къалиндиз михьиз, КIанзавайди хьиз и алем чуьхуьз. Гагь гугрум ийиз, гагь цIай чукIуриз, Шерик жезва цавни, чилни заз сад хьиз… Диде Азиз диде, масан диде! Зи гьиссера рахазва вун....
Ктаб Ктабди квез гузва чирвал, Ам чиркинармир, аялар. Суьгьбетда квез вири тирвал, Ачухарда куь хиялар. Ктабди квез гузва зигьин Чилерикай, цавукай. Хабар гуда дуьз ва якъин Гъетерикай, гарукай. Ктабди квез чIал чирзава Ви юлдашрихъ рахадай. Гьам гьисабар эзберзава, Кьил акъуддай савдадай. Ктаб хуьз хьухь, тавакъуйда, Чарни адан къазунмир. ТIалабда за: гьакI гьавайда...
Зи лезги чIал! Зи дидед чIал — зи лезги чIал! Ажеб хьана чир хьана заз. Дуьньядиз вил вегьей чIавуз, Дидед лай-лай ван хьана заз. Зи дидед чIал — зи лезги чIал! Гуж хьанай вун чидачиртIа. Лезги тарих течиз жедай, КIел-кхьин заз чидачиртIа. Зи дидед чIал — такабур чIал! Вун Лезгистандин дамах я, Герек...
И кIвал Бегьер гузвай сал акунвай, Гьунарлу хьайи лежбердиз хьиз, И мегьрибан кIвал акурла, Хвеши хьана къе зи рикIиз. Жумарт суфра юкьвал ала, Къерехрални — хъуьцуьганар, На лугьуди ина ава Инсанвилин ишигъдин зар. Лацу цлал — багьа чуьнгуьр, Сталинан гуьрчег суьрет, Гьейран жеда шегьерни хуьр, Акурла и кIвалин сифет. Чи Сулейман адалатдин...
Гьуьжет Паб: Шумуд йис я аваз вун икI: КIвалах тийиз, хьана гъарикI? Авачни вахъ итимдин рикI? Бес аялар хуьда за гьикI? Итим: КIвалахдихъ зун къекъвезва, паб. За ваз, валлагь, ийизвач таб. Гьиниз фейтIан — гьа са жаваб: “Зенгда за ваз, алаз хьухь яб”. Паб: Кьуьзуь туш хьи, я вун жегьил. Акьулдивни ацIанва кьил. КIвалахдизни я вун...
Х.Хаметовадиз За яб гузва ширин ванциз, Вун билбил я, гуьгьуьлни шад, Перишанвал, элкъвей къванциз, Лугьуз мани хур авур пад. Михьи я ви хиял, гуьгьуьл, Ваз багьа я гатфарин цуьк. Хкаж хьайла ви сес хъуьтуьл, Дагъ жезава лекьрез мес, туьк. ТакIан я ваз тIурфан, аяз, КукIвар авур умудрин багъ. Чуьнеругди, фикир даяз, Къармах вегьез...
