Дагъустанда ЕГЭ вахкузвай кьилин вахт акьалтIна. Мектебар куьтягьзавайбуру 11-июндиз эхиримжи имтигьан вахкана. Кьабулиз жедай себебар аваз, имтигьандиз татайбурухъ чпин чирвилерин дережа ахтармишдай мумкинвал мад ава — абурувай имтигьан  резервдин вахтунда вахкуз жеда. Школьникри вахкай эхиримжи имтигьанар информатикадайни ингилис чIалай тир. И имтигьанар компьютерный къайдада  кьиле физвайбурук акатзавай. Школа куьтягьунин гьа­къин­­дай  шагьадатнама  къачун­  па­­тал­ 11-класс акьалтIар­за­вай­бу­ру...

И йикъара Дагъустанда кьиле­ фейи «Дагъвияр» фестивал­да­ иштиракун патал Удмуртиядай республикадиз атанвай Россиядин лайихлу­ ­«За­­ба­ва» ансамблдин коллектив 15-июндиз Мегьарамдхуьруьн райондиз мугьман хьана. Абур лезги чилел муниципалитетдин кьил Фарид Агьме­дова ва администрациядин­ жа­вабдар къуллугъчийри кьа­булна. Фарид Агьмедова «Дагъвияр» фестивалдихъ жуьреба-жуьре халкьарин арада дуствилин алакъаяр мягькемарунин жигьетдай важиблувал авайди къейдна ва мугьманриз рикIел аламукьдай савкьатар пишкешна. «Забава»...

11-майдиз Мегьарамдхуьруьн аялрин «Теремок» бахчади  важиблу сувар — 55 йис тамам хьун — шад гьалара къейдна. РикIел хкин, «Магарамкентский» совхоздин­  бинедаллаз, яни карханадин рабочийрин аялар фикирда аваз ачухай «Теремок» бахчади, кьиле заведующий Галина Исаевна Шагьмарданова аваз, сифтегьан бицIекар кьабулун патал ракIарар 1970-йисан майдиз ачухнай. 1980-йисуз адан чкадал пединститут акьал­тIарнавай жегьил пешекар Фироза Арасхановна Халидова хьана...

Исрафилова Диана Абдусе­лимовна 1978-йисуз Дагъустандин­ Огни шегьерда дидедиз хьана. кIе­лунрал рикI алай руша 10-нумрадин мектебда 10-класс хъсан къиметралди акьалтIарна. Ам иллаки биологиядин тарсарал  ашукь хьанвай, абур гузвай муаллимни адаз багъри кас хьиз кIандай. Гьавиляй, мектеб акьалтIарайла, Диана Дагъустандин госуниверситетдин биология­дин факультетдиз гьахьун дуьшуьшдин кар тушир. Эхиримжи курсуна кIелзавай 1999-йисуз кьисметди ам Дербент шегьердиз акъуд­на. Ина...

16-июндиз Махачкъалада Абдулмуслим Абдулмуслимован регьбервилик кваз РД-дин Гьукуматдин заседание кьиле фена. Адан сергьятра аваз, премьер-министрди майишатар электронный гьисабдиз къачунин (электронный похозяйственный учет) жигьетдай СтIал Сулейманан райондин администрацияди кьиле тухванвай кIвалахдиз хъсан къимет гана. Алай вахтунда ихтилат физвай муниципалитетда ЛПХ-рин (личное подсобное хозяйство) 96 селемдиз талукь делилар электронный къурулушдиз янава. Заседанидин сергьятра аваз, СтIал Сулейманан райондин...

Украинада кьиле физвай дяведин махсус серенжемда икьрардин бинедаллаз иштиракзавайбурув сад лагьай вацра санлай 1 900 000 (са миллионни кIуьд виш агъзур) манат пул агакьда (са сеферда гузвай пулунин куьмек ва СВО-дин зонада къуллугъ авунин сад лагьай мажиб). Къуллугъ авур сад лагьай йисуз икьрар кутIуннавайдав санлай 4 миллионни 200 агъзур манат пул агакьда (са сеферда гузвай...

ХпитIар тамаринни суварин, бу­лахринни кIамарин къужахда­, вегьей вил гьуьлел кьван агакьдай кьакьан синел алайди тир. Баркаллу тарих авай и хуьряй­ вилик вахтара чпелай кар-кIва­лах алакьай, хуьруьн тIвар хкажай инсанар гзаф акъатна. Абурукай сад Исабегов Исабеган хва Балафенди тир. Исабег ХпитIрин хуьре агьвал­ авай инсанрикай тушир. Мулк, мал-къара авачир ам Бакудиз фена, фялевал авуна. Бакудин фялейрин...

Гъалибвилин 80 йисан юбилейдин вилик «Мавел» издательст­вода, дяведа ­телеф хьайи район­эгьлияр рикIел хуьнин лишан яз, «ПОМНИМ ПОИМЕННО» ктаб чапдай акъуднава. Ам туькIуьрайди райондин культурадин уп­равле­нидин начальник, Дагъустандин халкьдин ­шаир Бабаханов Майрудин Бабахано­вич я. Ктаб тарихчи алим Али-Ме­гьамед Бабаева кхьенвай «Су­лей­ман-Стальский район в годы Великой Отечественой войны» кьил ганвай чIехи макъаладилай башламиш жезва. Алимди дяведин йисара...