Чи машгьур ватанэгьли Сулейман Керимова Украинада кьиле физвай махсус серенжемда телеф хьайи кьасумхуьруьнви, кьейидалай кьулухъ Россиядин Игитдин тIварцIиз лайихлу хьайи Султан Сулейманован хизандиз­, куьмек яз, цIийи кIвалер пишкешна­. Идакай РФ-дин Госдумадин депутат­ Хизри Абакарова вичин телеграм-ка­налда хабар гана. Игитдин буба Сулейман Сулейманова чпин хизандиз чIехи куьмекар гунай Сулейман Керимоваз сагърай лагьана ва вири ватанэгьлийри адал...

Дагъустанда ришветбазвилиз акси женг давам жезва: алай йисан сад лагьай паюна республикада ришветбазвилин 467 дуьшуьш винел акъуднава. Ихьтин рекъемар и йикъара РД-дин Кьил Сергей Меликован регьбервилик кваз Махачкъалада кьиле фейи заседанидал региондин МВД-дин кьилин везифаяр вахтуналди тамамарзавай Леонид Можеровцева раижна. Къейд ийин хьи, абурукай 327 кIеви ва акьалтIай кIеви тахсиркарвилер яз гьи­сабзава. Ришветбазвилин тах квай...

Мукьва хьанва Алай йисуз Россия салан майвайрин жигьетдай недай суьрсетдин хатасузвилин доктринада (РФ-дин Президентдин къарардалди кьабулнавай махсус документ) къалурнавай ре­къем­рив агакьун мумкин я. Идакай РФ-дин хуьруьн майишатдин министр Оксана Лута хабар гана. «Салан майвайрин жигьетдай чун недай суьрсетдин хатасузвилин доктринадин рекъемриз мукьва хьанва. Алай йисуз чалай и кар кьилиз акъудиз алакьдайдак умуд кутазва, гьа гьисабдай...

Россиядин Яшайишдин фондунин (СФР) Дагъустанда авай отделенидин пресс-къуллугъди хабар гузвайвал, агьалидин 80 йис тамам хьуникди ва гьакIни 1-группадин инвалиддихъ гелкъуьнай пул къачузвай пенсионеррин кьадар, алатай йисав гекъигайла, саки 3,5 агъзурдан артух хьанва. Амма гзафбуру чпиз и пул хгузмач лугьуз, арза авун давам жезва. Кар ана ава хьи, цIийи къайдада тайинарзавайвиляй ­гзафбуруз и пул хгузмачир хьиз...

Экуь-рехи, мичIи-рехи ва яруни шуьт­руь рангарин чIар алай и маймундиз Немеядин тонкотел лугьузва. Кьуьнтелай гардандал кьван лацу рангунинбур я, бедендин яргъивилел 55-61 сантиметр жеда, тумунин яргъивилел — 55-76 сантиметр. Заланвал вини кьил 11 килограммдив агакьда. Вьетнамдинни Лаосдин тамара га­пIал-гапIал хьана яшамиш жезвай и маймунрин уьмуьр 25 йисуз кьван давам жеда. ТIебиатдал къаравулвалзавай вири­ халкьарин дережадин...

Алатай гьафтеда Росгвардиядин Да­гъус­тан Республикада авай Управленидин «Скорпион-Каспий» ОМОН-дин (отряд милиции особого назначения) къуллугъчияр, «Росгвардиядихъ галаз рухсат» серенжемдин сергьятра аваз, Къарабудахкент районда кардик квай аялрин «Солнечный берег» лагердиз мугьман хьана.  Алай вахтунда ана, чи республикадай хьиз, Курскдин ва Запорожьедин областрай тир аялрини ял язава. ОМОН-дин къуллугъчийри гуьруьш спортдин зарядкадилай башламишна. Ам машгьур спортсмен, отрядда къуллугъдин...

Хсусият маса гудайла, кирида вугудайла ва багъишдайла (дарение) ку­тIун­дай икьрарар МФЦ-дани кьилиз акъудиз­ жезва. Кьилди къачуртIа, ихтилат кIвале­рихъ, чилин участокрихъ ва я маса юзан тийидай объектрихъ галаз алакъалу савдайрикай физва. 459-нумрадин ­федеральный къанундал асаслу яз, алай йи­сан 13-январдилай юзан тийи­дай эмен­ни багъиш авунин (дарение) вири икьрарар нотариусди тестикьарун лазим жезва.

Аял хьайидалай кьулухъ садра гузвай пулунин такьатар, къазанжидин дережадилай, диде-бубайрин кIвалахрилай аслу тушиз, вири хизанриз талукь я. Алай йисан 1-февралдилай и пу­лунин такьатрин кьадар 26 900 манатдикай ибарат я. Эгер диде-бубади кIва­лах­­заватIа, аялдиз­ талукь пособие абурукай садавай­ вичин кIвачихъ къа­чуз­ жеда. Эгер ди­де-бубадикай сада­ кIва­лахзавачтIа, абу­рукай анжах кIвалах­­­завайдаз тайи­на­риз жеда. Россия­­дин­ яша­йиш­дин фон­­­дуни­, ЗАГС-ди аял...

Са шумуд югъ идалай вилик Россиядин ФСИН-дин Да­гъустанда­ авай Управленида уьлкведин ФСИН-дин рекьяй­ вузар акьал­тIарнавай жегьил пешекарар республикадин уго­лов­но-ис­пол­нительный къурулушдин идарайра кIва­лахрал тайинарна. Шад мярекатда региондин УФСИН-дин регьбер, къенепатан къуллугъдин полковник Сергей Ролдугина, адан заместителри, Управленидин аппаратдин къуллугърин ва отделрин векилри иштиракна. Идарадин регьберди жегьил пешекаррин тIварцIихъ чими келимаяр лагьана, абуру чпел ихтибарнавай везифаяр намуслудаказ...