Дагъустандин государстводин педагогикадин  университет Дагъустан Республикадин виридалайни яшлу вузрикай сад ва Кеферпатан Кавказдин федеральный округдин  педагогический зурба центр я.  Вузди  педагогикадин, психологиядин  ва яратмишунрин хилерай кадрияр гьазурзава. ДГПУ региондин  илимдинни образовани­дин зурба комплексрикай сад я. Адетдин пе­дагогический пешекарар гьазурунилай гъейри,  ина дизайн, живопись, графика ва скуль­п­тура хьтин яратмишунрин хилерайни чирви­лер гузва. ДГПУ-дин къурулушдик гьакIни спортдин...

12-июлдиз, 87 йисан яшда аваз, чи арадай хуьруьн майи­шат­дин производстводин зурба тешкилатчи, алим Багьаудин  Ра­сулович  Даштемиров  акъатна. Б.Даштемиров 1934-йисуз Докъузпара райондин Гъуьгъванрин хуьре къуллугъчидин хи­занда дидедиз хьана. Усугъчайдал юкьван школа акьалтIар­на, Дагъустандин хуьруьн майи­шат­дин институтдиз гьахьна ва 1956-йисуз агалкьунралди акьал­­тIар­на. Зегьметдин рехъ хайи хуьруьн колхозда агрономвилелай, ДНИИСХ-да илимдин къуллугъчивилелай башламишна. Гуьгъуьнлай Багьаудин Расуловичакай Мегьарамдхуьруьн райондин...

Гьич са касни, гьич са затIни рикIелай алудзавач Ватандин ЧIехи дяведа Гъалибвал миллионралди советрин халкьарин чанаралди къазанмишнавайди къе садазни сир туш. Къати женгера чпин чанар гайибур, немсерин фашистрин концлагерра, гужар авуна, кайибур, дяведа гел галачиз квахьайбур са чIавузни чи рикIелай алатдач. Абур эбеди яз рикIел хуьнин мураддалди шегьерра ва хуьрера гуьмбетар хкажзава, анрал акьалтзавай несил...

Багъри. Мукьва-кьили. Мирес. Амле. Жуванди. И гафарин мана-метлеб сад я. Са ивидин сагьибар. Абур гьамиша сад-садан далу, панагь, архани я. Гьихьтин кIевера гьа­тайтIани, ви гьарайдиз анжах абур акъатда. Абурукай куьмек хкатда.  Пачагьдин, со­ветрин девиррани гьакI тир. Мирес, ам­ле гьамиша мукьвадан кIвале кьиле физвай гьар са мярекатдин кIвачел-кьилел жедай. Багъридан тереф гьинал хьайитIа­ни хуьз алахъдай. Тухумдин...

И йикъара синтетикадин наркотикар арадал гъунай шак физвай Дагъустандин медицинадин вуздин кьве студент кьуна. ФСБ-дин республикадин управленидин пресс-къуллугъди хабар гузвайвал, абуруз талукь яз уголовный дело къарагъарнава.­ “РФ-дин ФСБ-дин РД-дин управленидин къуллугъчийри тади серенжем кьиле тухудай вахтунда синтетикадин наркотикар арадал гъидай лаборатория кардик кутунвай тешкиллу тахсиркарвилин кIеретIдин кIвалахдин вилик пад кьуна. Виликамаз малум хьанвай делилралди, и...

Сириядин лагеррай 13 аял Дагъустандиз хкана ва мукьва-кьилийрив вахкана. Идакай Дагъустанда аялрин ихтияррин рекьяй векил Марина Ежовади “ТАСС” чешмедиз ихтилатна. Къейд авурвал, аялар 2 йисалай 17 йисал кьван яшара авайбур я. РФ-дин обо­­ронадин министерстводин самолетда аваз 3-июлдизни Сириядай Россиядиз 23 аял хканай. “Къанунда тайинарнавайвал, Дагъустандиз хкай вири аялар абурун къаюмвалдай багърийрив вахкана. Сифте абур Москвада...

Россиядин Гьукуматди регионрин образованидин тешкилатра алава чкаяр арадал гъун патал пулдин такьатар гунин къарар кьабулнава. Къейдзавайвал, ихьтин серенжем кIелзавайбурун кьадар артух хьунихъ галаз алакъалу я. ИкI, Дагъустандив алай йисуз 689 миллион манат кьван агакьда, 2022-йисуз — 862 миллион манат. «Лезги газет»

Дагъустандин вице-премьер Абдулмуслим Абдулмуслимова мусурманрин Къурбанд суварин вилик махсус совещание кьиле тухвана. Як маса къачудайбурун кьадар артух хьуниз килигна, суварин йикъара адан къимет хкажуниз рехъ тагунин месэладиз совещанидал кьетIен фикир гана. Гьар са мусурмандивай, са четинвални авачиз, як маса къачуз хьун патал А.Абдулмуслимова фермерриз ва къурбанд авунин крар тешкилзавайбуруз якIун къиметар хкаж тавуниз эвер гана....

Сулейман-Стальский райондин ЦIийихуьруьн юкьван мектебдин 9-классдин ученик  Шамил  Тагьирова  математикадай вири халкьарин векилрин иштираквал аваз 42-сеферда кьиле фейи турнирда, виниз тир нетижаяр къалуруналди, гъалибвал къазанмишна. Ахтармишунрин кIвалахрин лазим тир ерилувал артухарунин, математикадиз итиж ийизвайбур майдандиз акъудунин макьсаддалди тIвар кьунвай тур­нир 1980-йисалай инихъ гьар йисуз тешкилзава. Ана Россиядай, Европадай, Азиядай, Америкадай, Австралиядай ва маса  уьлквейрай 8-11-классра...

8-июлдиз Каспийск шегьерда чи баркаллу ватанэгьли, зурба пагьливан, алим ва камалэгьли, агъсакъал, Ахцегь, Каспийск, Дербент, Махачкъала шегьеррин сейли инсан Сулейман Абдурагьимович Эфендиев (1933-2020) эбеди рикIел хуьнин лишан яз, ам яшамиш хьайи кIва­­лерин цлал гранитдин кьул ачухна­. Мярекатда Каспийскдин мэр, генерал-майор Борис Гонцова, РД-дин милли сиясатдин ва диндин крарин рекьяй министр Энрик Муслимова, ОНФ-дин региональный исполкомдин...