Сулейман-Стальский райондин ЦIийихуьруьн юкьван мектебдин 9-классдин ученик Шамил Тагьирова математикадай вири халкьарин векилрин иштираквал аваз 42-сеферда кьиле фейи турнирда, виниз тир нетижаяр къалуруналди, гъалибвал къазанмишна.
Ахтармишунрин кIвалахрин лазим тир ерилувал артухарунин, математикадиз итиж ийизвайбур майдандиз акъудунин макьсаддалди тIвар кьунвай турнир 1980-йисалай инихъ гьар йисуз тешкилзава. Ана Россиядай, Европадай, Азиядай, Америкадай, Австралиядай ва маса уьлквейрай 8-11-классра кIелзавай жегьилри иштиракзава.
Къейд авун герек я, Шамила идалай виликни математикадай вичихъ авай вини дережадин чирвилер къалурна. Ам математикадай Вирироссиядин олимпиададин республикадин паюнин гъалибчи, 2021-йисан Кавказдин математикадин олимпиададин призер я.
Чи мухбир
