10-декабрдиз Кьурагьа, генерал Муьгьуьдин Къагьриманован экуь къаматдиз бахшна, волейболдай адет хьанвай турнир кьиле фена. Ана Кьурагьрин 2-нумрадин юкьван школадин, РФ-дин МВД-дин Кьурагь районда авай отделдин, ДЮСШ-дин ва хуьруьн ветеранрин командайри  иштиракна. Кьурагьрин 2-нумрадин юкьван школадин команда 1-чкадиз лайихлу хьана. 2 ва 3-чкаяр, талукь­ тирвал, Кьурагьрин хуьруьн ветеранрин ва ДЮСШ-дин, 4-чкани МВД-дин Кьурагь районда авай отделдин...

Мегьарамдхуьруьн райадминистрацияди ДАССР-дин 100 йис тамам хьуниз бахшнавай нубатдин серенжем — 2002-2003-йисара дидедиз хьайи жаванрин арада азаддаказ кьуршахар кьунай Дагъустандин зонадин кIвенкIвечивилин акъажунар кьиле тухвана. А.Исрафилован тIварунихъ галай 1-нумрадин ДЮСШ-да (Мегьарамдхуьр) кьиле фейи и акъажунра 11 командадик кваз 90-далай виниз жаванри гьасиррал чпин устадвал, алакьу­нар къалурна. Гъалиб хьайи спортсменриз кубокар, грамотаяр, талукь дережайрин медалар гана....

11 ва 12-декабрдиз Москвада грэпплингдай дуьньядин чемпионат кьиле фена. Ана ери-бине Кьурагьай тир Эрелар  Фейзуллаева чемпионвилин тIвар къазанмишна. РикIел хкин: азаддаказ кьуршахар кьунай дуьньядин чемпионвилин, грекринни римлуйрин жуьреда кьуршахар кьунай, дзю­додай, самбодай Россиядин са шу­муд­­ра чемпионвилин тIварар къазанмишнавай Э.Фейзуллаева грэпплингдайни вичин къуватар ахтармишун кьетIна. Кье­гьал­ хци спорт­дин цIийи жуьредайни хъсан нетижа къалурна, неинки вичин ватан...

И йикъара Нальчик шегьерда самбодай кьиле фейи СКФО-дин чемпионатда Дагъустандин хкянавай командадик кваз ишти­ракай кьегьалри вири санлай — 9, абурукай­ни къизилдин 5 медаль къазанмишна… И акъажунра вичин ери-бине Ахцегь райондай тир, алай вахтунда Каспийскда яшамиш жезвай  Завир  Гьажиева  (58 кг-дал къведалди заланвал авайбурун арада) 1-чка кьуна. Идалди­ ада неинки къведай йисан мартдиз Екатеринбург ше­гьерда кьиле...

Эхиримжи вахтара гзафбурун сиверай ван къвезва: киберспорт. Вучиз и къугъунай миллионралди пулар гузва? Вахтар дегиш жердавай цIийи пешеяр, цIийи мумкинвилерни арадал къвезва. Компьютердин къугъунар машгьур хьуни цIийи пешени арадал гъана.  Адаз киберспорт лугьузва. Къугъунрин индустрия йигин еришралди вилик физва, аялрин хьиз, чIехибурун фикирни  желбзава. Себеб?  Пул атун. Россиядин Team Spirit команда (адак дагъустанви Мегьамед Халитовни...

Са тIимил йикъар идалай вилик Каспийскда, Али Алиеван тIварунихъ галай спортдин Дворецда, джиу-джитсудай Дагъустандин кIвенкIве­чивал патал акъажунар кьиле фена. Ана Мегьарамдхуьруьн райондин Гъепцегьрал яшамиш жезвай, еке агалкьунар авай спортсмен ва теж­рибалу тренер  Эйнар  Экберован  гъилик вердишвилер къа­чузвай жаванри хъсан нетижаяр къалурна. ИкI, чпин агал­кьунрикай чна идалай виликни ­хабар гайи  Рустам  Рус­­тамова  (38 кг-дин заланвиляй ва...

26-ноябрдилай 3-декабрдалди Румыниядин меркез Бухарест шегьерда армрестлингдай дуьньядин чемпионат ва 21 йисал къведалди яшара авай жегьилрин арада кIвен­кIве­чивал патал акъажунар кьи­ле фена. Ана 44 уьлкведай тир 1600-дав агакьна спортсменри чпин гъилерин гьунарар къалурна. Абурун арада чи ватанэгьлиярни ава. СтIал Сулейманан райондин спортдин, туризмдин ва жегьилрин крарин рекьяй комитетдин кьил Надир Эфендиева хабар гайивал, и акъажунра...

Ноябрдин эхирра Нижегородский областдин Кстово шегьерда, Виридуьньядин самбодин академияда, спортдин и жуьредай Россиядин Кубок къазанмишун патал акъажунар кьиле фена. Ана чи уьл­кведин 50-дав агакьна регионрай тир 400-далай виниз спортсменри иштиракна… Къейд авун лазим я хьи, къведай йисан мартдиз Москвада кьиле фидай дуьньядин Суперкубокдиз  — “Самбодин бине эцигай ксарин мемориалдиз” (виликдай адаз Харлампиеван мемориал лугьузвай)  хкядай...

Алатай вацран эхиримжи кьве юкъуз Мегьарамдхуьруьн районда, ДАССР-дин 100 йисан юбилейдин сергьятра аваз, аскер-интернационалист, Советрин Союздин Игит Абас Исламович Исрафилован экуь къамат рикIел хуьнин лишан яз, жаванрин арада азаддаказ кьуршахар кьунай республикадин дережадин турнир кьиле фена. Идакай райондин пресс-къуллугъди хабар гана.  Турнир ачухуниз талукьар­навай мярекатдал райондин кьил Фарид Агьмедова, РД-дин физический культурадин ва спортдин министерстводин...

Мукьвара СтIал Сулейманан райондин Сардархуьре кардик квай дзюдодинни самбодин школадин майдандал самбодай  Да­гъустан Республикадин кIвен­кIвечивал патал акъажунар кьиле фена. Ана республикадин  ше­гьеррай ва районрай атанвай 170 спортсменди заланвилин 10 категориядай чпин гьунарар къалурна. Къизгъиндаказ кьиле фейи акъажунра СтIал Сулейманан райондин командади 1 чка кьуна. Турнирда гъалиб хьайи ва приздин чкаяр кьур спортсменриз медалар, кубокар ва...