Са тIимил йикъар идалай вилик Саранск шегьерда кьезил атлетикадай Россиядин Кубок патал кьулан тарциз ва кIвачериз зарар ганвай спортсменрин арада кьиле фейи акъажунра Дербентдай тир Сабина Магьмудовади кIвенкIвечи чка кьуна.

Сабинади акъажунра вичин къаст кьилиз акъудун патал вири къуватар эцигна, тренерди ганвай чирвилерикайни меслятрикай менфят къачуна, амайбуруз гъалибвал къазанмишдай са мумкинвални тунач.

С.Магьмудовадиз чIехи агалкьун мубарак авуналди, адан тренер Шагьсенем Къужаевадин ва инструктор Альберт Рзаеван зегьметни къейд ийиз кIанзава. Къуй Сабинадихъ идалай кьулухъ мадни еке агалкьунар хьурай!

Къагьриман Ибрагьимов