И мукьвара Кеферпатан Осетия-Аланиядин меркез Владикавказда 13-14 йисара авай жаванрин арада боксдай Кеферпатан Кавказдин федеральный округдин кIвенкIвечивал патал акъажунар кьиле фена. Ана чи ватанэгьлияр тир Гьамид Фазаилов (48 кг, ЛукIар хуьр, тренерар Рамазан Рамазанов ва Омар Омаров), Мугьаммад Алиханов (70 кг, Махачкъала, тренерар Фаргьад ва Камал Межидовар), Сулейман Салманов (75 кг, Бут-Къазмаяр, тренер Гьажибутай Гьажибутаев) — 1 ва Играм Асланбегов (80 кг, Бут-Къазмаяр, тренер Гьажибутай Гьажибутаев) 3-чкайриз лайихлу хьана. Гила абуру июндиз Сыктывкарда кьиле фидай Россиядин кIвенкIвечивал патал акъажунра чпин устадвал ва алакьунар къалурда.
Гаф кватай чкадал мадни хабар гуз кIанзава хьи, чи ватанэгьлийрикай Сыктывкарда кьиле фидай акъажунра Гьабиб Насруллаева (60 кг) ва Фатали Муртазалиевани (70 кг) иштиракда. И мумкинвал абуру мукьвара Нальчикда 15-16 йисара авай жаванрин арада боксдай кьиле фейи Вирироссиядин «Динамодин» акъажунра 1-чкайриз лайихлу хьуналди къазанмишнава. И акъажунра Агъабала Агъабалаева (52 кг) 2-чка кьуна.
Рагнеда Рамалданова
