29-апрелдиз Махачкъалада, Р. Гьамзатован тIварунихъ галай ДГПУ-дин спортдин дараматда, Ахцегь райондай тир, Украинада кьиле физвай дяведин махсус серенжемда телеф хьайи лейтенант, Жуьрэтлувилин ордендин кавалер Тамерлан Ильясован, гьакI стхаяр Расим ва Рамиз Давудоврин экуь къаматриз бахшна, Дагъустандин вузрин ва ссузрин студентрин арада армрестлингдай республикадин тунир кьиле тухуда.
Ам тешкиллувилин жигьетдай РД-дин жегьилрин крарин рекьяй министерстводин, Ахцегь райондин кьилин, Э. Шагьмарданован тIварунихъ галай 2-нумрадин ДЮСШ-дин, ДГПУ-дин, гьакIни Гъуьгъвезрин хуьруьн кьве тренердин спонсорвилин куьмекни галаз тешкилда. Акъажунар заланвилин пуд дережадай (70, 80 ва 90 кг) кьиле фида, абур нисинин сятдин 3-даз башламишда.
«Лезги газет»
