15 ва 16-мартдиз Москвада, «Измайлово» спорткомплексда, РФ-дин ла­йихлу тренер Ф.Г. Премильскийдин экуь къаматдиз бахш­на, азаддаказ кьуршахар кьунай итимрин арада Вирироссиядин акъажунар кьиле фена. Ана уьлкведин 30-далай виниз регионрай тир, гьа гьисабдай яз Дагъустандайни, 200-дав агакьна спортсменри чпин устадвал къалурна.

КIвенкIвечи чкайриз лайихлу хьайибурун арада чи ватанэгьлиярни ава. Кьилди къачуртIа, Юнис Багъиев (125 кг) — 1, Рагьим Алискеров (70 кг) — 2, Абдулкерим Гъаниев (61 кг) 3-чкайриз лайихлу хьана.

Рагнеда Рамалданова