Фестиваль Ихьтин лишандик кваз 12-далай 15-сентябрдалди къадим Дербент шегьердин Низами Генжевидин тIварцIихъ галай паркуна международный фестиваль кьиле фена. Адан тешкилатчи Дагъустандин туризмдин ва халкьдин художественный сеняткарвилерин рекьяй министерство тир. Макьсад халкьдин художественный сеняткарвилер хуьн, машгьурун ва вилик тухун, гьакIни абурун бинедаллаз цIийи хилер арадал гъун тир и серенжемда Россиядин 20 региондин, гьакIни Узбекистандин, Къиргъизистандин ва...
Чи республикадин мулкарин саки са пай дагълари кьазвайвиляй Дагъустандиз дагъларин уьлкве лугьузва. Хайи дагълара агъзур йисаралди чи улу-бубаяр яшамиш хьана, абуру душманрикай хуьдай тIебии къелейри хьиз къуллугъна. Асул гьисабдай малдарвилелни хипехъанвилел ва сад-садалай хкаж хьанвай чилин кIусарал магьсулдарвилел машгъул яз, разивилелди уьмуьр тухузвай абуру. Вердиш къайда, гьалар дегиш хьана анжах ХХ асирда: Дагъустан Урусатдик акатуникди...
14-сентябрдиз Краснодардин крайдин Новороссийск шегьерда кьиле фейи милли медениятрин «Новороссияне» фестивалда уьлкведин жуьреба-жуьре пипIерай бажарагълу ксари, милли 15 тешкилатди, гьа жергедай яз Адилхан Къагьриманов кьиле авай лезгийрин тешкилатдини иштиракна. Къейд ийин, Новороссийскда Дагъустандихъ галаз алакъалу кьве тешкилат ава: «Дагъустан» (ам 2000-йисалай кардик ква) ва чкадин лезгийрин милли медениятдин автономия (2021-йисалай кардик ква, председатель — А....
16-сентябрдиз РД-дин Кьил Сергей Меликов нубатдин сеферда Ахцегь райондиз мугьман хьана. Ина ада яшайишдин ва туризмдин са жерге объектар ахтармишна, чкадин агьалийрихъ галаз ихтилатар авуна ва муниципалитет еримлу авунин барадай совещание кьиле тухвана. Идакай «Лезги газетдин» редакциядиз РД-дин Кьилин пресс-къуллугъди хабар гузва. Республикадин регьбер кIвалахдин рекьяй Ахцегьиз финин асул макьсад райондин кьиле авайбуруз идалай вилик...
Дуьз цIарара: 1. Булвал. 4. Офицервилин чин. 9. Нехуькай хкатдай амукьаяр. 10. Кьезил, регьят. 11. Са сеферда. 12. Къати марф. 13. ЦIуцI квай ракьун къаб. 15. Къарабудахкент райондин са хуьр. 17. Бугъ. 19. «Буьркьвеба» гафунин антоним. 20. Алакъа. 22. Вахт къалурдай затI. 25. МикьнатIис (урус гаф). 28. Рапрап. 31. Гъуьр ядай шей. 32. Руфуна жеда....
«Лекьрен муг» этнолагерь кардик кутун фадлай зи фикирда авайди тир. Эхир и кар цIи чна Кьурагь райондин КIирийрин хуьре Россиядин Игит Зейнудин Батманован тIварцIихъ галай мектеб-интернатдин бинедал кьилиз акъудна. Эвелни-эвел къуьн кутадайбур хьайивиляй алакьна. Вири крар гьакI тушни бес: кIанзавайди алахъун, мумкинвилер жагъурун, са фикирдал алайбур агудун я. Халкьдин мисалда хъсан лагьанва: «Элдин гуж —...
РФ-дин Гьукуматдин Председатель М. Мишустинан буйругъдалди СтIал Сулейманан райондин мулкарал арадал атанвай хуьруьз «ЦIийи Испик» тIвар ганва. Ам Испикрин хуьряй са пай агьалияр куьч хьунин нетижада 1966-йисуз арадал атана. Хуьруьн агьалийрин, райондин кьил Саид Темирханован, Дагъустан Республикадин талукь къуллугърин чалишмишвал себеб яз, ЦIийи Испикиз хуьруьн статусни гана. …Кьасумхуьрелай чун ЦIийи Испикар галайвал рекье гьатна. Чепедин...
И мукьвара зи гъиле Пакизат Фатуллаевади гьазурна акъуднавай «Лезги халкьдин махар» ктаб гьатна. Им чи акьалтзавай несилдиз багьа савкьат я. Ктаб Дондал алай Ростов шегьерда, ООО «Медиа-Полисда» акъатнава. Хуш жедай кIвалах ам я хьи, ктабдин чинар рангунин шикилралди безетмишнава. Пакизат Фатуллаева заз фадлай чизвай хъсан шаир ва къилихриз хуш инсан я. Ам шииррин са шумуд...
«Мавел» чапханади Гь. Къурбанан «ЗартIиш» романдин (255 чин) подписка малумарзава. Мифдин, цаварин кьисайрин роман декабрдиз акъатда. Са ктабдин къимет 300 манат я. Адрес: 367010, Махачкъала, О.Кошевоян куьче, 42 а. Тел.: 8-928-873-40-02
Ирс квадарзавач КцIарин радиодин передачаяр лезги хизанри вилив хуьдай. Абура чи фольклор, меденият, чIал, адетар, шиирар, манияр… вири авай. Радиодин редакторвиле Ядуллагь Шейдаева кIвалахзавай. Ядуллагь Шейдаев Жамалдинан хва 1929-йисуз КцIар райондин Аваран хуьре дидедиз хьана, 1982-йисуз, машинрин авариядик акатна, рагьметдиз фена. Июлдин вацра «Алам» ТВ-ди, лезги эдебиятдин «Марвар» кIватIалди КцIарин ктабрин кIвале лезги эдебият вилик...
