Милли прессадин фестиваль Алай вахтунда Дагъустанда ва Азербайжанда лезги чIалал 15 газетни журнал чапдай акъатзава. Абурун арада “Лезги газет”, “Самур”, “КцIар” (Азербайжан), “Ас-салам”, “Къурушрин сес” (Хасавюрт район), “ЦIийи дуьнья” (Ахцегь район), “Эренлардин сес” (Докъузпара район), “Самурдин сес” (Мегьарамдхуьруьн район), “Экуь гъед” (Хив район), “Куьредин хабарар” (Сулейман-Стальский район), “Дагъдин булах” (Кьурагь район) газетар, “Самур”, “Кард”, “Дагъустандин...

Дагъустандин образованидин ва илимдин мини­с­тер­стводи хабар гайивал, Дагъустанда, шаз хьиз, цIини хайи чIалар чирунин месэлайриз региондин бюджетдай 20 миллион манат пул чара ийида. Министерстводин пресс-къуллугъдин делилралди, такьатрин асул пай хайи чIаларал акъатзавай ктабар маса къачуниз харжда ва абур республикадин мектебриз рекье твада. “Гьайиф хьи, эхиримжи йисара вири дуьньяда гзаф кьадар чIалар квахьунин месэла хцидаказ акъвазнава....

11-июндиз 83 йисан яшда аваз лезгийрин бажарагълу ша­ир Мамеджафаров Мурсал Худавердиевич (Мурсал Алпан) кечмиш хьана. Аллагьдин рагьметдик кваз хьуй. М.Х.Мамеджафаров 1938-йи­­сан 10-декабрдиз Ахцегь райондин Смугъулрин хуьре дидедиз хьана. Юкьван мектеб, ахпа Ленинграддин технологический институт куьтягьна. Вичин пешекарвиляй гзаф йисара Хаса­вюрт­­дин ва Махачкъаладин­ кар­ха­­найра кIвалахна. Гьа са вахтунда­ шиирар ва публицистикадин материалар кхьинал машгъул тир. Ада...

Чи газетдин цIийи йисан вад лагьай нумрада агъсакъал Гьажибуба Рустамован макъала чапнавай, лезги чIал вилик тухунин барадай. Дуьнья акунвай  агъсакъалди къарагъарнавай месэла чун, къвезмай несилар патални еке метлеб авайди я. ЧIалан фонд тешкилун регьят кIвалах туш. Амма лезги руьгь квай рухвайри чпин садвал, чIалахъ рикI кузвайди чирайтIа, кар кьилизни акъудиз жеда. Чахъ лезги чIал вилик...

Ван авуна! А.А.Тахо-Годидин  тIварунихъ галай педагогикадин институтдин илимдин къуллугъчи Жаклина Мейлановади “Лезги газетда” (2020-йисан 50-­нумра) чапнавай “ЧIал хуьх!” кьил ганвай макъа­ла за  дикъетдивди  кIел­на.  Макъалада  дидед чIал хуьниз, кIелуниз ва чируниз талукьарнавай гзаф делилар гъанва,  метлеблу веревирдерни авунва. Шак алач, эгер чIалан сагьибри чпи, хайи чIа­лан муаллимри, кIелзавайбуру и меслятрал ара датIана амал авуртIа, гележегда...

Ван авуна Ахцегьа лезгийрин игитвилин “Шарвили” эпосдин суварин кьилин майдан дегишарун! Им вичиз фадлай дикъет-къимет гана, гьялна кIан­завай важиблу месэла тир. Эдеб-ахлакьдин, намусдин и месэла гила хьайитIани кудна хъсан хьана. И кардай чна Дашдемир Шерифалиеваз пара кьадар сагърай лагьун лазим я. Кьилинди, пара инсанри и месэла ва суварин майдан патал ада теклифнавай чка хушдиз кьабулзава­....

Мегьарамдхуьруьн райондин Филерин хуьре яшамиш жезвай, 42 йисуз акьалтзавай несилдиз чирвилер гайи муаллим, уьмуьрдин вафалу юлдаш, веледрин къайгъудар буба, хтулрин чIехи буба  Велибегов  Велибега 22-июндиз шад гьалара 80 йисан юбилей къейдзава. Чна адаз и югъ рикIин сидкьидай мубаракзава! Азиз буба, ширин буба, Бубадин дад такур буба, Аллагьди ваз сагъ чан гурай. Кьилел нурлу рагъ, цав хьурай!...

И йикъара машгьур мухбир, шаир Вадим  Жамалдинован (Гъетягъ Вадиман) уьмуьрдин 80-гатфар шад гьалара къаршиламишна. Литературадин мярекат, аниз атанвай мугьманар, хуьруьнвияр тебрик авуналди, Вадим Жамалдинован уьмуьрдикай ва яратмишунрикай куьруь гаф рахуналди ва адаз  юбилей мубаракуналди, райондин о­б­ще­­­ст­венный палатадин член Зуьгьре Агъарзаевади ачухна ва кьилени  тухвана. Вадим Жамалдинован четин, амма баркаллу уьмуьрдикай, адан гзаф терефрин ба­жа­рагъдикай ва...

“ЛГ”-дин 23-нумрадиз акъатай сканворддин жавабар: Дуьз цIарара: Кьилинпацар. Ихтилат. КцIар. ЦIапан. Луьткве. Алачух. КIар. Кард. Айнаяр. Техв. Гитара. Тик цIарара: Ихтияр. Цнал. Турп. Агъалар. ЦIвел. Нирх. Варданаг. Чхра. КIурташ. Кавал. Ружа.

И йикъара “Лезги газетдин” редакцияда физикадинни математикадин илимрин кандидат, блогер, карчи ва меценат Мариф Къадимован “Тарни тIвар” тIвар ганвай лезги ва урус чIаларал акъуднавай ктабрихъ галаз танишардай мярекат кьиле фена. Ктабрин мана-метлеб пара важиблуди  я. Алай аямдин вири терефар, дегишвилер, муракабвилер фикирда кьуна, лезги хизанда чIехи жезвай аялриз лезгивилин ягь, тах, къилихар, лайихлувал, михьивал, ватанпересвал,...