Эгер кицIи вичин кицIвал тавуртIа,
Хипен суьруь хуьн четин я чубандиз.
Жамидин

КIан хьуналди яд авачир чкадай
Балугъ гьатун намумкин я туруна.
Ибрагьим Гьуьсейнов

Чи уьлкведа чпин тахсирар кьейибурун хивез вегьин адет хьанвай кар я.
Шамсудин Исаев

Ягъайди туш за намусдиз пинеяр,
ХьанатIани пине ягъай либасар.
Азиз Алем

Ришветбазар инсанри, гьина хьайитIани, вуж хьайи-тIани, негьзава.
Гьаким Къурбан

Са гъвечIи кIвалахди ва я гьадисади инсандин къанажагъ дегишарда.
Расим Гьажи

Са гьерекатди, са гъалатIди, акьулсуз, тадиз авур карди цIудралди инсанрин уьмуьрар хатадик, бахтикъаравилик кутазва.
Нариман Ибрагьимов

Анжах са шумуд къизилгуьлди баябандикай бахча ийидач.
Азиз Мирзебегов

КIватIайди — К. КIелетви