ЦIийи ктабар

И мукьвара бажарагълу ша­ир Гуьлалийрин  Эйвазан  “Элкъуьрунар” тIвар алай цIийи ктаб Бакуда чапдай акъатна. Ана автордин лезги, урус ва азербайжан чIалариз таржума авунвай яратмишунар гьатнава. 

Къейд ийин хьи, Гуьлалийрин Эйваза шиирар анжах лезги чIалал кхьизва. Ам инанмиш тирвал, гьар са касди вичин хайи чIалаз къуллугъ авун лазим я.

Ктабдик пуд чIалал гьазурнавай яратмишунар кутунин себеб ам я хьи, шаирдиз вичин эсеррихъ галаз урус ва азербайжан чIалан кIелдайбурни танишариз,  гьакIни хайи лезги чIалан векилриз урус ва азербайжан чIалар чирунин карда куьмек гуз кIанзава.

Идалай вилик акъатнавай шииррихъ галаз санал ктабда шаирдин цIийи эсерарни гьатнава. Абур урус чIалаз — Мурад Са­и­дани Бести Нифтиевади, азербайжан чIалаз Къериб Гьуьсейновани Римма Гьажимурадовади таржума авунва.

ЦIийи ктабдай Ризван Ризванова, Фахредин Оружева Эйвазан шииратдиз къимет ганвай макъалаярни кIелиз жеда. Чна автордиз нубатдин ктаб чапдиз акъатун мубаракзава ва эдебиятдин алемда гележегда мадни еке агалкьунар хьун алхишзава.

Мурад Саид