7-8 ва 10-июндиз яргъалди къати марфар къунин нетижада Ахцегь вацIун дереда республикадин метлеб авай рекьин 16-километрдин мензилда дагъ ацахьуникди Хинер, Фияр ва Гутумар хуь­рериз хъфизвай рехъ михьиз къайдадикай хкатна. Къейд ийин хьи, дагълух и хуьрера 4 агъзурдалай артух агьа­­лияр яшамиш жезва, анра халкьдин яшайишдин метлебдин 4 объект ава. 2022-йисан январдилай Ахцегь районда авай рекьерин къуллугъдин...

Алатай гьафтеда Шамил райондин Голотль хуьруьн­ мул­кара Авар Къойсу вацIа луьткведаваз сирнавзавай ту­ристар чIехи бедбахтвиликай хкатна. Дагъустандиз ял ягъиз атанвай мугьманар авай луьткведиз еке къванце акьунин нетижада хасаратвилер хьана ва ам, гужлу вацIун цин хурук акатна, ту­хуз­вай. И кар вацIун къерехда вичин дустарихъ галаз ял язавай полициядин старший лейтенант   ­Мегьамедхан   Гьажимегьамедоваз  акуна. Ада гьасятда циз...

Са тIимил вахт идалай вилик зал кIвалахдин рекьяй юлдаш руш гьалт­на. Чун фадлай акунвачир. Жу­зу­нар-качузунар авурдалай кьулухъ, за ада­вай кьилел чIулав яйлух­ ву­чиз алукIнаватIа хабар кьуна. “Бу­­ба­ амач. Ковид”, — куьрелди жаваб га­­на ада, ахпани суьгь­бетдив эгечI­на: — За алай йисан гьеле мартдиз ковиддиз акси раб ягъайди я. Идахъ кьве себеб авай. Сад лагьайди, зун...

23-25-сентябрдиз Дагъустандин дагълух са жерге районра къати марфар къвана. Еке хасаратвилер хьанвай­бурун арада Тлярата, ЦIумада ва ЦIунти районра ава. “Лезги газетдиз” РД-дин Кьилин ва Гьукуматдин Администрациядин пресс-къуллугъди хабар гайивал, марфар къуникди и районрин мулкарилай авахьзавай ва­цIара цин дережа хкаж хьана, нетижада рекьер къайдадикай хкатна, эквер хкахьна,  чкадин агьалийрин майишатриз еке зиянар хьана. ЧIуру нетижаяр арадай...

Ислен йикъан йифиз Хасавюрт шегьерда бедбахтвилин дуьшуьш арадал атана: мугьманханадин кьве гьавадикай ибарат дараматди цIай кьуна. “Лезги газетдиз” Дагъус­тандин МЧС-дин Кьилин Управленидин пресс-къуллугъди хабар гайивал, нетижада кьве кас телеф хьана, ругуд кас Хасавюртдин духтурханадиз агакьарна. Республикадин здравоохраненидин ­министерстводин пресс-къуллугъди хабар гузвайвал, сагъламвилиз хасаратвилер хьанвай ругудакай кьве кас ислен юкъуз вертолетда аваз Махачкъаладиз, РКБ-диз гъана. ЦIай...

“Лезги газетдиз” Дагъустандин МЧС-дин пресс-къуллугъди хабар гайивал, алай йисан гатуз республикадин мулкарал гьуьле ва вацIара чуьхуьнагарзавай 31 кас телеф хьана. Абурукай 7 аялар тир. Са шумуд югъ идалай вилик Дербент районда са итим батмиш хьана. Югъ арадай фейила, Избербаш шегьерда 3 кас са­нал гьуьлуьз аватна. Батмиш жезвайбуруз куьмек гуз алахъайбурувай анжах са кас къутармишиз хьана....

Алатай гьафтедин эхирра Махачкъалада са мертебадин кIвали цIай кьунин нетижада кьуд кас телеф хьана. ТАСС-ди хабар гузвайвал, абурукай сад — жегьил дишегьли, пуд аялар тир. Мусибатдин вакъиа меркездин Нурудилован тIварунихъ галай куьчеда арадал атана. РД-дин МЧС-дин делилралди, цIун есирда 20 квадратдин метр майдан авай. ЦIаяр хкадардай къуллугъчияр гьикьван чалишмиш хьанатIани, нетижа писди хьана. Пуд кас...

Дагъустандин къайдаяр хуьдай органрин  чешмеди ТАСС-диз хабар гайивал, алай йисан 4-декабрдиз квахьай РД-дин Кьилин ва Гьукуматдин Администрациядин руководителдин стха Виталий Гьасанован мейит ам яшамиш жезвай поселокдай жагъанва. “Кривая Балка” поселокдин мулкуна квахьнавай и касдихъ къекъведайла, гьа инай адан мейит жагъана. Чешмедихъ авай делилралди, адан  хурудал чукIулди янавай гел алай. Алай вахтунда кечмиш хьунин себеб чирзава....

Алай йисан 5-сентябрдиз Докъузпара райондин Къурушрин хуьруьз мукьва дагъдин мулкара бедбахтвилин дуьшуьш арадал атана: 40 йис хьанвай итим дагьардиз аватна.­ И йикъан экуьнин сятдин 10-даз 25 декьикьа кIвалахайла, Россиядин МЧС-дин Дагъус­танда авай Кьилин Управленидив дагълара дагьардиз итим аватнавайдакай хабар агакьна. И дуьшуьш Къурушрин хуьруьн кьулухъ Азербайжандихъ галаз авай часпардиз мукьва застава авай чкада арадал атана....