Алатай гьафтеда Шамил райондин Голотль хуьруьн­ мул­кара Авар Къойсу вацIа луьткведаваз сирнавзавай ту­ристар чIехи бедбахтвиликай хкатна.

Дагъустандиз ял ягъиз атанвай мугьманар авай луьткведиз еке къванце акьунин нетижада хасаратвилер хьана ва ам, гужлу вацIун цин хурук акатна, ту­хуз­вай. И кар вацIун къерехда вичин дустарихъ галаз ял язавай полициядин старший лейтенант   ­Мегьамедхан   Гьажимегьамедоваз  акуна. Ада гьасятда циз хкадарна, амма цин гужлуви­ли адаз луьткведиз мукьва же­дай мумкинвал гузвачир. Офицерди, вацIай эхкъечI­на, сифте велосипеддал алаз, ахпа машинда аваз фена, луьткведилай эляна. Элкъвена ва­цIуз хкадар хъувур адалай тек­диз луьт­кве къе­рехдиз акъудиз алакьна.

ВикIегь дагъустанвидин кьегьалвиликай уьлкведин къенепатан крарин министерстводизни хабар хьанва. Адан дирибашвиликай РД-дин Кьил Сергей Ме­ликова вичин фикир Телеграм-каналда лагьана:

“…Мегьамедхан Гьажиме-гьа­медова, вичин уьмуьр хаталувилик кутуна, масабуруз куьмек гана. И кар лайихлувилелди къейдда. Сагърай, Мегьамедхан! Вуна вун халис итимди хьиз тухвана”, — кхьенва С.Меликова.

Агьмед Магьмудов