И йикъара машгьур спортсмен, Беларусь Республикадин спортдин лайихлу мастер, Рио-де-Жанейрода кьиле фейи Олимпиададин къугъунрин буьруьнждин медалдин сагьиб Жавид Гьамзатов СтIал Сулейманан райондиз мугьман хьанвай. Адан кьилин макьсад жаванрихъ галаз гуьруьшмиш хьун, абуруз грекринни римлуйрин жуьреда кьуршахар кьунай мастер-класс къалурун тир. Райондин кьил Саид Темирхановахъ галаз кьиле фейи гуьруьшдал спортсменди вичин спортдин рекьикай, агалкьунрикай ва гележегдин...
Дагъустанда цик акатай 1,5 агъзур гектар ципицӀлухрикай 66 гектарда авайбур михьиз терг хьанвайбур яз гьисабнава, хабар гана Дагъустандин уьзуьмчивилин ва ичкидин хел гуьнгуьна тунин рекьяй Комитетдин председателдин заместитель Агьмед Агьмедова. ТIебиатдин бедбахтвили республикадин 20-далай гзаф майишатрин майданриз таъсирна. Адан гафаралди, алай йисуз республикадин уьзуьмчийри 2025-йисан дережада аваз бегьер кIватI хъувуник умуд кутунва. Яд хъфейдалай гуьгъуьниз...
Ватандин ЧIехи дяведин ветеранар тир 4 дагъустанвидиз и йикъара 10 агъзур манатдин кьадарда аваз пулдин пишкешар гана. РикIел хкин: 9-Майдин суварихъ галаз алакъалу яз, РФ-дин Президент В. Путинан указдалди федеральный бюджетдай 10 агъзур манатдин кьадарда аваз и пулар йиса са сеферда гузва. Ватандин ЧIехи дяведин ветеранрин кьадар, гьайиф хьи, къвердавай тIимил жезва. Исятда Дагъустанда, винидихъ...
Чи уьлкведин чIехи пай инсанриз малум гьакъикъат: Ватандин ЧIехи дяведи гъайи пашманвилер, тIарвилер, дердисервилер рикIелай алат тийидайбур я. Гитлеран инсаф атIай кьушунрал, фашизмдал гъалибвал къачурдалай инихъ гьикьван йисар алатайтIани, абуру Советрин Союздиз ва халкьариз кьур гужар, барбатIвилер, халис жаллатIрин инсафсузвилер рикIелай физвач. ЧIехи Гъалибвилин сувар мукьвал жедай вахтунда фашистрихъ галаз къизгъин женгера иштиракай кьегьалрикай макъалаяр...
Чуьлдин кIвалахар Яргъалди къвайи марфар себеб яз, чуьлдин кIвалахрив эгечIунин муддатра са кьадар дегишвилер хьанватIани, республикада гатфарин чуьлдин кIвалахрик гьерекат акатнава. Идакай РД-дин хуьруьн майишатдин ва недай суьрсетдин министерстводин телеграм-каналди раижзава. Чешмеди къейдзавайвал, 2026-йис патал планар ихьтинбур я: гатфарин тумар цунин умуми майданри 225 агъзур гектар кьада, идакай емдин (кормовой) культураяр – 92,0 агъзур гектар;...
3-майдиз Дербент шегьерда, Лезги театрдин дараматда, Кьиблепатан Дагъустандин мектебра вири «вадар» аваз кIелзавай аялрин II Слет кьиле фена. Мярекат жемиятдинни сиясатдин деятель, машгьур меценат Мамед Магьарамович Абасован куьмекдалди Кьиблепатан Дагъустандин жегьилрин союзди тешкилнавай. Слетди Агъул, Ахцегь, Дербент, Докъузпара, Кьурагь, Мегьарамдхуьруьн, Рутул, СтIал Сулейманан, Табасаран, Хив районрайни Дербент, Дагъустандин Огни шегьеррай тир хъсандиз кIелзавай 80 аял...
Россиядин ва виликан Советрин Союздин хейлин республикайри Гитлеран Германиядал гъалибвал къачур ва Европадин, РагъэкъечIдай патан государствояр фашизмдикай азад авур югъ ингье 81-сеферда къейдзава. Исятда Дуьньядин кьвед лагьай ва Ватандин ЧIехи дявейрин нетижаяр кваз такьазвай, абуруз маса къиметар гузвай, тарихдин чинар гьахъвал техвена кхьизвай, жегьил несилдин кьилер акадарзавай, адаз тапан, гьакъикъатдив кьан тийизвай тарсар гузвай къуватар...
Махсус серенжемдикай Россиядин кьушунрин «РагъэкъечIдай пад» дестеди Днепропетровскдин ва Запорожьедин областра ВСУ-диз бегьем ягъунар кьуна. Нетижада 315-далай гзаф боевикар, гьакIни мидядин 5 автомобиль, артиллериядин пуд яракь тергна. Идакай 4-майдиз РФ-дин оборонадин министерстводи хабар гана. Украинадин терефди Россиядин регионрихъ дронар ахъаюнин гьерекатар давамарзава. 5-майдиз «РИА Новости» чешмеди хабар гайивал, мидяди ахъаяй 289 беспилотник Россиядин ПВО-дин такьатри...
4-майдиз РФ-дин Президент Владимир Путина вичин Указдалди Дагъустан Республикадин Кьилин везифаяр вахтуналди тамамарзавайди яз Фёдор Вячеславович Щукин тайинарна. Сергей Меликова вичи Дагъустан Республикадин Кьилин везифаяр тамамарун вахтунилай вилик акъвазарзавайдан гьакъиндай гуьгьуьллудаказ арза кхьена ва ам уьлкведин Президентди тестикьарна. Гаф кватай чкадал къейд ийин хьи, Сергей Меликова республикадиз регьбервал гуз саки 5 йис хьана. Официальнидаказ Дагъустандин...
3-майдиз Мегьарамдхуьре «Леки» ва «Хасавюрт» командайрин арада футболдай Дагъустандин Кубок патал кьиле фейи финалдин къугъунар 4:1 гьисабдалди инанмишвилелди гъалибвал къазанмишуналди акьалтIна. Мегьарамдхуьруьн райондин футболдин «Леки» команда футболдай Дагъустандин Кубокдиз гила 4-сеферда лайихлу хьана. Дугъриданни, «Леки» командади кIватI хьанвайбуруз нубатдин сеферда спортдин халис сувар багъишна. Командадин гьар са футболист гьа сифте декьикьайрилай тарифлудаказ къугъвана. МасакIа хьунни...
