3-майдиз Мегьарамдхуьре «Леки» ва «Хасавюрт» командайрин арада футболдай Дагъустандин Кубок патал кьиле фейи финалдин къугъунар 4:1 гьисабдалди инанмишвилелди гъалибвал къазанмишуналди акьалтIна. Мегьарамдхуьруьн райондин футболдин «Леки» команда футболдай Дагъустандин Кубокдиз гила 4-сеферда лайихлу хьана.
Дугъриданни, «Леки» командади кIватI хьанвайбуруз нубатдин сеферда спортдин халис сувар багъишна. Командадин гьар са футболист гьа сифте декьикьайрилай тарифлудаказ къугъвана. МасакIа хьунни лазим туш, чпихъ спортдин и жуьредай виниз тир бажарагъ авайди «Лекидин» футболистри садрани кьведра успатнавач. Аферин, баркалла!
РикIел хкин: «Леки» команда футболдай итимрин командайрин арада 8-сеферда Дагъустандин чемпионни я.
Рагнеда Рамалданова
