Ватандин ЧIехи дяведин ветеранар тир 4 дагъустанвидиз и йикъара 10 агъзур манатдин кьадарда аваз пулдин пишкешар гана.

РикIел хкин: 9-Майдин суварихъ галаз алакъалу яз, РФ-дин Президент В. Путинан­ указдалди федеральный бюджетдай 10 агъзур манатдин кьадарда аваз и пулар йиса са сеферда гузва.

Ватандин ЧIехи дяведин ветеранрин кьадар, гьайиф хьи, къвердавай тIимил жезва. Исятда Дагъустанда, винидихъ къейднавайвал, амайди 4 кас я. Чи халкьдин­ векилар абурун арада амач.

РД-дин зегьметдин ва яшайишдин рекьяй вилик тухудай министерстводай хабар гайивал, Россиядин Яшайишдин фондунин Дагъустанда авай отделенидин делилрал асаслу яз, пул гьар са касдал агакьарнава. Арза гунин лазимвал авач.

Чи мухбир