Нажмудин Самурскийдин 125 йис Гьахъ эхкъечIда мад тарихдин сегьнедиз, ВегьейтIани ам багьзурдин (океан) дегьнедиз. Азиз  Алем Халкьдин тарихни адан арадай акъатай регьберрин, къагьриман рухвайрин, машгьур, бажарагълу ксарин уьмуьр, тарих сихдаказ алакъалу я, абур сад-садавай къакъудиз жедач. Тарих — им абурун крар, гелер, ирс, гьакI вири инсаниятдин тежриба хуьзвай жебехана хьиз я. Лезги халкьдихъни тарих яратмишуна...

“КьепIир, КьепIир, гуьзел я вун, Булахривни багъларив. РакIар ачух кIвалеривни, Кьакьан къацу дагъларив. Берекат бул авай хуьр, Гьуьрмет, абур авай хуьр”.   И цIарар шаир, композитор Асеф Мегьмана КьепIиррин гуьзел тIебиат, бегьерлу багълар, берекатлу никIер, кьакьан дагълар, гьамга хьтин яд авахьзавай къайи булахар, таза аялдин темен хьтин михьи гьава, инсанрин ачух рикIер, мугьманпересвал вичин вилералди...

Мегьарамдхуьруьн райондин спортсменри Азербайжанда Бразилиядин джиу-джитсудай ва грепплингдай кьиле фейи международный “JSJ Challenge” турнирда ишти­ракна. Спортдин “Дружба” центрадин патай векилвалзавай Мегьарамдхуьруьн райондай тир Шагьназар Мегьтиева БЖЖ ­категориядай  — 1, грепплингдай­ 3-чкаяр, Якьуб Алибегова грепплингдай ва БЖЖ-дай 1-чкаяр, Эльмир Алибегова грепплингдай — 2 ва БЖЖ-дай 3-чкаяр ­кьуна. Дагъви Шериф

Алатай вацран эхиримжи йи­къа­ра Смоленскда 35 йисалай гзаф яшар хьанвайбурун арада азаддиз кьуршахар кьунай Россиядин ачух чемпионат кьиле фена. Дагъустандин ирид пагьливан ана гъалибчияр хьана ватандиз хтана. Дуьньядин чемпионатдиз спорт­сменар хкягъунин макьсаддалди тешкилай и акъажунра чи уьлкведин регионрай ва Къазахстандай, Литвадай, Латвиядай 120 касди иштиракна. Абурукай къад кас да­гъустанвияр тир. Ахцегь райондай фенвай Къариб Ашуралиева...

Спортдин акъажунар галачиз “Шарвили” эпосдин суварин мярекатар фикирдиз гъиз жедач. ГьикI хьи, Шарвили вичин халкьдин къайгъуда авай, милли адетрал рикI алай, халкьдин аслу туширвал патал женг чIугур (чапхунчи ваъ, ватандин аслу туширвал хвейи) пагьливан тир. Аниз килигна, 2000-йисалай инихъ гьар сеферда “Шарвили” эпосдин суваррин мярекатрин программадик спортдин милли жуьрейрай акъажунарни ква. И акъажунра, адет хьанвайвал,...

* * * Кьуд вишелай гзаф хизанар авай Кьуьчхуьррин хуьр, вучиз ажуз хьана вун? Акьван мублагь мулкар-майданар авай, Жуьрэтсуздаз, де лагь, гьикI элкъвена вун?   ЧIехи ашукь Саид туна гьакI текдиз, Гъейратлуди гъейратсузрив вугана? Хьанач фелек фидай адан куьмекдиз, Вагьши къанлу туна, жаза тагана.   Хандин чина жида хьайи Саид бес Етим тирни, кьулухъ арха...

Саид дуьньядиз атанвай а береда Девлетлуйри гьалзавай вахт тир девран. Чандал гъанвай ханари Кьурагь дере, Халкьди чIугваз гъам-хажалат, куз гьижран.   Зигьин авай, кьатIунарни тир дерин… Буба кьиникь, кар язава са зулум. Аял вахтар ашукьдин хьанай серин, Медресадикай Саид хьана магьрум.   Лежбер кIанидаз Саид хьана лежбер, Чубан кIанидаз ам хьана чубан. Теснифай чIалар, ийиз...

Виш йисаралди халкьдин арада яшамиш жезвай женгчи шаир Кьуьчхуьр Саид, адан яратмишунар халкьдиз къени багьа ва истеклу я. Гьахъсуз ханариз ва беглериз акси фикиррив ацIанвай Кь.Саидан эсерар кIел­дайла, бажарагълу урус писатель ва демократ А.И.Герцена вилик девирдин культурадиз талукь яз лагьай гафар рикIел хкиз жеда: “…виликан девирдин меденият ахтармишдайла, гьар сеферда чун маса вилерай килигзава: гьар...

( Эвел 29-нумрада ) * * * Чна виликдайни къейд авурвал, (“ЛГ”-дин 28, 29-нумраяр) чIехи женгчи шаирдин вилик чи къенин ва къвез­­­май несилрин “буржар” гзаф я. Сифте нубатда, шаирдин уьмуьр ва кьисмет, лезги халкьдин къанажагъ мягькемарунин, халкьар сад­-садав агудунин карда ада тамамарай кьетIен везифаяр чирун ва аннамишун ва­жиблу я. И терефар писатель Гьаким Къурбанан “Гьай...

Республикадин жегьилрин крарай министерстводиз, Р. Гьамзатован тIварунихъ галай республикадин Милли ктабханадиз, «Дагъустандин хуьр» музей заповедник – этнографиядин комплексдиз цIи Сочида кьиле фидай виридуьньядин жегьилрин ва студентрин ХIХ фестивалдиз талукьарнавай шикилрин выставка тешкилиз кIанзава. И фестиваль чи уьлкведа кьве сеферда кьиле фенва – 1957-йисуз (VI) ва 1985-йисуз (ХII). 1957-йисуз Москвада кьиле фейи фестиваль виридалайни зурбади ва...