29 — октябрдиз Дербент райондин администрациядин залда ВЛКСМ-дин 100 йисан юбилей шад гьалара къейдна.

Ана Советрин Союздин девирда комсомолдин райкомдин  сад лагьай секретарар яз кlвалахай Фетулла Фатуллаева, Паша Алифханова, райондин кьилин заместитель Сеидмегьамед Бабаева, РД-дин Халкьдин Собранидин депутат Ферзилагь Исламова, компартиядин райондин комитетдин председатель  Юсиф Герейханова, идарайрин руководителри, жегьилри иштиракна.

С. Бабаева ВЛКСМ-дин членри государстводин экономика, культура вилик тухуник зурба пай кутурди къейдна.

— Комсомол уьлкве патал четин йисара арадал атана, — давамарна ада. – А йисара Ватандин лайихлу гражданар хьун патал хъсан кlвалахар ийидай адет авай. «Днепрогэс» ва «Магнитка», «Амурдал алай Комсомольск» ва «Кузбасс» ВЛКСМ-дин яржар я…  Квез за комсомолдин 100 йисан юбилей лап рикlин сидкьидай мубаракзава.

Мярекатдал рахай Ю.Герейханова, Ф.Фатуллаева, П.Алифханова, Али Хазбулатова комсомолдин баркаллу кlвалахар рикlел хкана

Зи рикlелни ихьтин цlарар хтана:

Вилик, вилик физва кlвалах комсомол,

Партиядин, халкьдин дамах комсомол.

Эхирдай комсомолдиз кхьенвай манийрикай ибарат концерт  гана.

Къагьриман Ибрагьимов