Мукьвара Мегьарамдхуьруьн районда азаддиз кьуршахар кьунай турнир кьиле фидай. Идакай «Лезги газетдиз» райадминистрациядин пресс-къуллугъди хабар гузва.
Советрин союздин игит Абас Исрафилов рикlел хкуниз талукьарна гьар йисуз кьиле тухузвай республикадин турнир Кьиблепатан Дагъустанда спортдин чlехи мярекат хьанва.
Тешкилатри къейдзавайвал, гьар йисуз хьиз, и йисузни акъажунра неинки дагъустанви спортсменри, гьакl къунши Азербайжан республикадин спортсменрини иштиракда.
Спортдиз Мегьарамдхуьруьн райондин кьил Фарид Агьмедова кьетlен фикир гузва. Ада спортдин гьар са мярекатдихъ жегьилар патал авай метлеблувал къейдзава.
Къейд ийин, акъажунар Абас Исрафилован тlварунихъ галай 1-нумрадин ДЮСШ-да кьиле фида.
«Лезги газет»
