Дербентдин центральный больницада (ада Кьиблепатан Да­гъустандин вири районрин агьалийризни къул­лугъзава) жезвай хъсан дегишвилери гьам коллектив, гьам азарлуяр шадар­зава. Ина эхиримжи кьве йисуз цIийи отделенияр ачухна, алай аямдин техника, аппаратар кардик кутуна. Кар алакьдай тежри­балу духтурар кIвалахал кьабулна. Азарлуяр герек дарманрал­ди таъминарзава.  — Духтурар, медсестраяр, санитаркаяр азарлуйрив эгечIза­вай гьални дегиш хьанва, — лугьузва эндокринологиядин отделе­нидин старший...

“Гьафтеда кьуд юкъуз кIва­лахун”. И хабарди гуьлуьшан юкъуз цавар рахай хьтин ван авуна. Гьасятда экономистар, по­­литологар, де­путатар, профсоюзрин векилар, журналистар, чиновникар… баянар гуз эгечIна. Садбуру — хъсан кар я, ма­­­садбуру — кьиле фидай месэла туш, пуд лугьудайбуру чиновникри чпин хийир патал ийизвай кар я… лугьуз хьана. И месэладикай рахан тийизвай садни авач. Гьелбетда, гзафбуруз, гьафтеда...

Лезги чIалан муаллимар диктантрин кIватIалрин кьитвиликай, абур цIийи кьилелай ахкъудунин игьтияж авайдакай фадлай рахазвай. Муштулух хьиз малумариз жеда хьи, мукьвара РАН-дин ДНЦ-дин  чапханада (Махачкъала) 5-9 ва 10-11-классар патал лезги чIалан диктантрин кьилдин кьве кIватIал (гьар садан тираж — 500 экземпляр) чапдай акъатна. Хайи чIалан тарсар гузвай муаллимар патал им лап хъсан кар я. 5-9-классар патал...

ЯхцIурни цIуд йисан  девирда жуван уьмуьр хайи Кьурагьрин сад лагьай нумрадин юкьван­ школадихъ галаз сих алакъада авайвиляй школадин уьмуьрда жезвай агалкьун­рал за гьамиша дамахзава. Им гьар са намуслу инсандин къанажагъдиз хас лишан я. Вири коллективдихъ галаз санал школадин тIвар мадни вини дережадиз акъу­дун патал жувни чалишмиш жезвайвиляй закни, белки, кIвалахда ашкъи-гьевес кутазва жеди. Алатай кIелунин...

Шегьердин кьиляй-кьилиз чIугунвай 44 километр турбаяр ва 14 котельный — Каспийск шегьердин 100 агъзурдалай гзаф агьалийрин кIвалериз чимивал агакьарзавай  карханадин — “КаспийТеплоСервис” ООО-дин жавабдарвал и зурба къурулушди гьамиша дурумлудаказ кIвалахуникай ибарат я. Къейд ийин, карханадин  гьакъисагъ зегьметчийрикай ва тежрибалу пешекаррикай ибарат коллективдилай и кар  лап хъсандаказ алакьзава — гьамиша хьиз, алай йисузни ше­гьер­эгь­лийрин кIвалериз чимивал...

(Эвел — 37-38-нумрайра) Гила чун коррупциядихъ, ришветчивилихъ галаз женг чIугунал хквен. Гекъи­гунар, веревирдер авурла, аквазва хьи, ришветар къачун тавунин кьилин себеб чиновник бес кьадар девлетлуди хьун туш. Ваъ, инсандихъ нефс ава. Нефс гьуьл я, аниз гьикьван вацIар авахьиз хьайитIани, ам ацIудач. Амма виш йисарин уьмуьрдин тежрибади инсандиз вичин нефсиниз тербет гуз, ам сергьятламишиз чирна. ИкI...

Веревирдер Вичин вахтунда (1908-1910-йисар) арифдар СтIал Сулеймана лагьанай: «АватIа ван жедай япар, Сулейман, на ая хабар, Фагьумнамаз — уьмуьр санбар, Акьулдиз вич аял гзаф я…» И гафар гила, сифте цIарцIе са тIимил  де­гишвал туна (“аватIа” — “жедатIа”), тикраруналди, заз а кар къейд ийиз кIанзава хьи, асирдилай гзаф вахт алатнаватIани, чи  инсанрин, иллаки вири мумкинвилер чпин...

Алатай гьафтеда Ахцегьа, райбиблиоте­кадин залда, райондин 90 йисан юбилейдин мя­рекатрин сергьятра аваз ва “Хайи Ватан кIан хьухь ва хуьх!” лишандик кваз “Ахцегь рай­он: тарихдин 90 йисан рехъ” темадай илимдинни  тежрибадин  конференция  хьана. Райондин кьиле авай ксарин тапшуругъдалди библиотекадин коллективди тешкилна кьиле тухвай и маналу серенжемда муниципалитетдин кьилин заместитель Алмас Шуаева, агъсакъалрин советдин председатель Къеземет Къеземетова,...

8-октябрдиз Избербашдин собранидин депутатри шегьердин кьил хкяна. Собранидин нубатдинди тушир сессияда 11 кас депутатри иштиракна. Конкурсдин комиссияди депутатриз кьве касдин — Мегьамед Исакьован ва Мурад Алиеван — кандидатураяр теклифна, хабар гана “Лезги газетдиз”  Избербаш шегьердин  депутатрин собранидин председатель Исламали Багомедова. Депутатри М.Исакьов патал рейсадвилелди сесер гана. Ада алатай йисан декабрдилай Избербаш шегьердин кьилин везифаяр тамамарзавай....

14-октябрдилай вири уьлкведа аналоговый телевидение хкудзава, хабар гузва официальный сайтди. Гьа икI, анжах рекъемрин телевидение амукьда, ада кар алай 20 телеканалдай гузвай передачайриз гьакъисуздаказ килигдай мумкинвал гузва. Гьа йикъалай амай каналрикай менфят къачуз хъжедач. Дагъустандин саки вири мулкар (98 процент) рекъемрин телевиденидикай менфят къачуз жедай зонадик акатзава. Идахъ галаз алакъалу яз, республикадин агьалийривай, еке четинвилер...