И йикъара чав шаир, Россиядин журналистрин союздин член, муаллим, «Лезги газетдин» редакциядихъ галаз гьамиша алакъа хвейи хъуьлуьдви Саид-Агьмед Абдурашидович Абдурашидов рагьметдиз фена лагьай туькьуьл хабар агакьна. Саид-Агьмед Абдурашидов­ 1932-йисуз Рутул райондин Хъуь­луьдрин хуьре дидедиз хьа­на. Хуьруьгрин мектеб куьтя­гьай­далай кьулухъ ада Буйнакскдин хуьруьн майишатдин техникумда, гуьгъуьнлай Дагъус­тандин педагогвилин институтда кIелна. Советрин Армияда Ватандин вилик вичин хиве...

И йикъара чи арадай ДГТУ-дин профессор, технический илимрин доктор Расул Вагьидович Гьуьсейнов акъатна. Ам 1956-йисан 30-декабр­диз Ахцегь райондин Цуругърин­­­ хуьре дидедиз хьана. Да­гъус­тандин политехнический­ ин­сти­тут вири­ вадар аваз акьал­­тIар­ай жегьилди кIелунар Ленинграддин Д. Ф. Устинован тIвар­­­­цIихъ галай механический институтда аспирантура­да дава­­марна. 1986-йисуз Р. В. Гьуьсейноваз — технический илимрин кандидатдин, 2001-йисуз доктордин дережаяр гана. 1987-йисалай ДГТУ-да...

Дагъустанда икьрардин бинедаллаз Украинада кьиле физвай дяведин махсус серенжемда иштиракзавайбуруз са сеферда гузвай пулдин куьмек 500 агъзурдал кьван артухарнава. Гила армиядин жергейра къуллугъун патал икьрар кутIундайла, дагъустанвийриз 1 миллион манатдив агакьна пулдин такьатар гуда: 500 агъзур манат – Дагъустан Республикадин патай; 400 агъзур манат – федеральный бюджетдай; 100 агъзур манат – шегьердин ва я райондин...

Украинада кьиле физвай дяведин махсус серенжемдин иштиракчи Исмаил Мегьамедован кьегьалвилерикай чна виликдай газетдин чинрилай хабар ганай. Старший лейтенантди Ва­тан хуьнин карда къалурзавай викIегьвилериз Дагъус­тандин кьилевайбуруни фикир тагана тунач: 12-октябрдиз Сергей Меликова СВО-дин иштиракчидив «Дагъустан Рес­публикадин вилик лайихлувилерай» орден вахкана. «Кьегьалвилер къалурзавайбу­рун алакьунар, агалкьунар къейд авун хъсан кар я. Захъ чи Ватандин сергьятар, сенгерар хуьзвай халис...

Вилив хуьзва РФ-дин хуьруьн майишатдин министерстводи вилив хуьзвайвал, уьлкведа 2024-йисуз 1,6 миллион тонн ичер кIватI хъийида. Ихьтин прогноз Кьиблепатан ва Кеферпатан Кавказдин регионрай агакьарнавай  делилрин бинедаллаз гьазурнава. Идакай, министерстводин кьил Оксана Лутан гафарал асаслу яз, «Агроэксперт» сайтди хабар гузва. Чешмеди кхьизвайвал, 2023-йисуз тешкиллу сектордай 1,7 миллион тонн ичер кIватI хъувунай. Виликдай майдиз кье­зил аязар хьунихъ...

25-сентябрдиз 86-йисан яшда аваз бине Кьурагь райондин КIирийрин хуьряй тир государстводин ва общественный деятель Фатима Абдурагьмано­вна Эмирова рагьметдиз фена. Фатима Абдурагьмановна 1938-йисуз нафтIадин мяденрин­ устIар, фяле Мегьамедов Аб­ду­рагьманан хизанда Дербент шегьерда дидедиз хьана. Ада шегьердин юкьван школа, Дагъус­тандин государстводин университет ва ахпа Москвада КПСС-дин ЦК-дин къвалав гвай партийный кьилин школа куьтягьна. Зегьметдин рехъ жегьил пешекарди...

МФЦ-дин идарадин пешекарри хабар гузвайвал, лутуйри агьалияр алцурарун патал гьар жуьредин амалар ишлемишзава. Госработникар, МФЦ-дин пешекарар я лугьуз, ватандашриз зенгер ийизва. Лутуйрин макьсад ам я хьи, «Госкъуллугъар» порталдин аккаунт гуя масабурун ихтиярда гьатнава ва я куь кIвачихъ чарада кредит къачунва лагьай тапан малуматар гуналди, ватандашрин­ хсуси делилар чпиз чириз алахъзава­. Ихьтин тапан багьнайралди, лутуйри чпи...

Квез чидани? Ажайиб гьашаратрикай сад вичел хуш­ракан-жанавур тIвар алайди я. Ан­тарк­тида квачиз, амай вири чкайра яшамиш жезва ихьтин хушраканар. Абур гзафни-гзаф чими гьава авай уьлквейра­ гьалтзава. Кул-кусрик, къванерик, ават­­на­вай пешерик жеда. И жуьредин хуш­ракан­рин жуьреяр гзаф ава. Асул гьисабдай абур цин чешмеяр авай мулкара, тамара гзаф жеда. Адет яз, хушракан-жанавурдин бедендин яргъивилел 30 мм ала....

Бабаева Гуьл Абдулфатагьов­на 1953-йисуз Белиж поселокда муал­лимдин хизанда дидедиз хьана. 1970-йисуз сад лагьай нумрадин школа акьалтIарна, ДГУ-дин физикадин факультетдик экечIна. Университет акьал­тIарайла, Белиждиз хтана, 2-нумрадин юкьван школада физикадин тарсар гунив эгечIна. — Советрин девирда «муаллим» гафунихъ гьикьван дамах ва гьуьрмет авай, — рикIел хкизва Г. Бабаевади. — Муаллимвал хъсан пеше тир. Гьар  юкъуз­ тарсариз рикI...