2025-йисан 16-январдиз 96-йисан яшда аваз чи мукьва-кьили Тажидин Эмирович Эмиров рагьметдиз фена.
Т.Э. Эмиров 1929-йисан 8-августдиз Кьасумхуьруьн райондин Ивигрин хуьре дидедиз хьана. Мектеб куьтягьайдалай кьулухъ хуьруьн жегьилрихъ галаз санал Азербайжандин нафтIадин мяденра кIвалахиз фена. Ада Бакуда техникум акьалтIарна ва 45 йисуз нафтIадин мяденра зегьмет чIугуна. И йисара ада фяледин, бригадирдин, мастердин, участокдин чIехидан везифаяр кьилиз акъудна. Агалкьунрай адаз «Азернефть» карханадин патай гьуьрметдин грамотаяр, медалар, савкьатар гана.
Ватандин ЧIехи дяведа гъалибвал мукьва авуникни Т. Эмирова вичин пай кутуна, ам орденризни медалриз лайихлу хьана.
Советрин Союз чкIайдалай гуьгъуьниз Т. Эмиров пенсиядиз экъечIна ва ватандиз хтана, Дербент шегьерда яшамиш хьана.
Тажидин Эмирович Эмиров рагьметдиз финихъ галаз алакъалу яз, чна адан хизандиз, вири мукьва-кьилийриз, дериндай хажалат чIугунивди, башсагълугъвал гузва. Адан экуь къамат чи рикIера гьамиша амукьда.
«ЛГ»
