15-майдиз  Кьурагьа райондин ад­министрациядин физический культурадин ва жегьилрин крарин рекьяй отделди  ДЮСШ-дихъ галаз санал мини-футболдай жаванрин (2005-йисал къведалди) арада Гъалибвилин йикъаз талукьарнавай турнир кьиле тухвана. Мини-футбол машгьурунин мураддалди Кьиблепатан Да­гъус­тандай иниз виридалайни хъсан 5 командадиз эвер ганвай. Идакай чи газетдиз Кьурагь райондин администрациядин пресс-къуллугъди хабар гана. Турнирда иштиракзавай командаяр судьяйри кьве патал пайна. Сад лагьай...

14-майдиз  Докъузпара райондин Къурушдал ДАССР-дин 100 йисан юбилейдин сергьятра аваз, Сив хуьнин сувариз ва Нажмудин Самурскийдиз бахшна, спортдин акъажунар кьиле фена. Идакай чаз райондин муниципалитетдин пресс-къуллугъди хабар гана. Спортдин суварик Дербентдай, Махачкъаладай, Ярагъ-Къазмайрилай, Къуйсундилай, Усугъчайдай, Ахцегьай тир 100-далай виниз ксари иштиракна. Акъажунрин программадик дагъдиз чукурун, кроссдин чукурун, штанга гваз упражненияр, чене акъу­дун ва спортдин милли...

И мукьвара къейд авур суваррин савкьат яз, чав муштулухдин хабар агакьна. Апрелдин эхиримжи кьве юкъуз ва 1-майдиз Якутск шегьерда, Р.М.Дмитриев рикIел хкун яз, азаддиз кьуршахар кьунай халкьа­рин арадин VIII турнир кьиле фена. Азербайжан Республикадин патай векил яз, ана чи баркаллу пагьливан  Жабраил  Гьажиевани  вичин гьунарар къалурна. ИкI, 70 кг-дин заланвал авайбурун арада инанмишвилелди гъалибвилин 1-чка...

Сулейман-Стальский райондин пресс-къуллугъди хабар гузвайвал, 9-Майдиз Ватандин ЧIехи дяведа гъалибвал къазанмишна 76 йис тамам хьуниз талукьарнавай  автопробег кьиле фена. Райондин спортдин, туризмдин ва жегьилрин крарин рекьяй комитетди “Чна рикIел хуьзва! Чна дамахзава!” лишандик кваз тешкилнавай автопробегдин иштиракчийри чпин рехъ райондин центрадихъ физвай, ЦIийи Мамрачрин къекъуьндал СтIал Сулейманаз гуьмбет хкажнавай чкадилай башламишна, ДПС-дин махсус машин ­кьиле...

Гьар са суварихъ вичин адет хьанвай къайдаяр, кьиле тухунин саягъ ава. Гъалибвилин йикъахъ галаз алакъалу яз спортдин серенжемар тешкилун фадлай адетдиз элкъвенва. ИкI, 8-майдиз, Гъалибвилин йикъаз ва ДАССР-дин 100 йисан юбилейдиз талукьарна, Мегьарамдхуьруьн райондин кьилин тапшуругъдалди (идакай чаз райондин пресс-къуллугъди хабар гана) спортдин са жерге серенжемар кьиле тухвана. Абурукай садни Мегьарамдхуьре “Ислягьвилин рекьерай” лишандик кваз...

И мукьвара Махачкъалада 2004-2005 — йисара хьайи рушарин арада волейболдай Дагъустандин кIвенкIвечивал патал акъажунар кьиле фена. Ана Ахцегь райондай 2-ДЮСШ-дин тербиячийри (тренер — Нурамет МутIа­ли­бов) иштиракна. Чпин дестеда асантдиз 2-чка кьур абур ярумчух финалдиз акъатна ва анани Каспийск шегьердин командадин винел инанмишвилелди гъалибвал къазанмишна. Финалдин къизгъин акъажунра ахцегьви рушар Махачкъаладин тежрибалу коман-да­дихъ­ галаз бягьсиниз акъатна....

И йикъара чав Москвадай (Зеленоград) шад хабар агакьна. Ана 300-дав агакьна спортсменрин иштираквал аваз самбодай кьиле фейи Россиядин чемпионатда вичин ери-бине Сулейман-Стальский райондин Агъа СтIалдилай тир Руслан Аскерова (74кг-дин заланвал авайбурун арада, 4 бягьсина викIегь­вал къалуруналди) инанмишвилелди Россиядин чемпионвилин тIвар къазанмишна. Идани чи ватандашдиз дуьньядин чемпионатда иштиракдай мумкинвал (путёвка) гузва… Спортдин алемда адахъ идалай виликни...

И йикъара Краснодардин крайдин Голубицкая станицада 13-14 йисара авай жегьилрин арада боксдай Россиядин профсоюзрин ЦС-дин кIвенкIвечивал патал Вирироссиядин турнир кьиле фе­на. РД-дин команда гваз ана Кьасумхуьруьн 1-нумрадин ДЮСШ-дин КIварчагъ­рин хуьре Гьабиб Аллагьвердиеван тIва­рунихъ галай бокс вилик тухунин центрада тренер-муаллимвиле кIвалахзавай  Альберт  Межидовани  иштиракна. — И турнирда Россиядин жуьреба-жуьре субъектрай тир 215 жаванди иштиракна, — ла­гьана...

Мукьвара Избербашда пауэрлифтингдай Дагъустандин чемпионат кьиле фена. Ана 8 командадик кваз 100-лай виниз спортсменри чпин устадвал къалурна. Докъуз­пара райондин пресс-къуллугъдай хабар гайивал, акъажунра виридалайни кьакьан­ хуьр тир Къурушдал тренер Фейруз Къулиеван гъилик вердишвилер къачузвай 7 спортсмендикай ибарат тир райондин хкянавай командадини иштиракна. Хъсан нетижаяр къалурай ам командайрин арада  3-чкадиз лайихлу хьана… Ф.Къулиеван агалкьунрикай чна газетда...

Алатай гьяддиз Махачкъалада, Е.Исинбаевадин тIварунихъ галай стадиондал, республикадин зегьметчи коллективрин арада ГТО-дин фестиваль ачухна. Спортдин серенжем ачухдай мярекатдал Дагъустандин физический культурадин ва спортдин цIийиз тайинарнавай министр Сажид Сажидова къейд авурвал, фестивалда  жуьреба-жуьре карханайра, тешкилатра, идарайра зегьмет чIугвазвайбурувай, гьакIни государстводин ва муниципалитетрин къуллугъчийривай (чпин яшар 25-далай 69-далди тир ксаривай) иштиракиз жеда. «Лезги газет»