Алай йисан 28-далай 31- августдалди Моск­вадин областдин Покровское хуьре тхэквондодай (япариз зайифдиз ван къвез­вайбурун арада) Россиядин чемпионат кьиле фена. Дагъустандин спортсменри, вири санлай  13 (абурукай  — 3 къи­зилдинбур) медаль къазанмишуналди, командайрин арада 1-чка кьуна. И еке агалкьуник чи лезги кьегьал хцин пайни ква. Вичин ери-бине Ахцегьай тир Замир Шихамадова (80 кг-дилай артух заланвал авайбурун арада)...

СтIал Сулейманан райондин сайтда хабар ганвайвал, августдин вацран сифтегьан пуд гьафтеда  футболдай А.Жарулаеван экуь къаматдиз бахшнавай районрин уртах турнир хьана. Адет хьанвайвал, спортдин и серенжем Агъа СтIалрин хуьре,  А.Жарулаеван тIварунихъ галай стадиондал, футбол къугъунин вири къайдайрал амал авуналди кьиле тухвана. ЦIи ана Дагъустандин жуьреба-жуьре муниципалитетрай тир 20 командади иштиракна. Футболистри тамашачийриз еке устадвилелди, декьикьадани уяхвал...

Лезги миллетдин векилрикай  вичихъ хъсан гележег авай спортсменрикай сад тир Жабраил Гьажиева дуьньядин кесерлу майданра  вичин устадвал къалуруникай чна газетда са шумудра малуматар ганай. Вичин ери-бине Ахцегьай тир кьегьал алай вахтунда Азербайжандин командадин патай экъечIзава. Са шумуд югъ идалай вилик Уфа шегьерда 21 йисал къведалди яшара авай жегьилрин арада кьуршахар кьунай дуьньядин кIвен­кIвечивал патал кьиле...

25-августдиз  Белиж  поселокдин 1-нумрадин мектебда азаддиз кьуршахар кьунай дуьньядин чемпион хьанвай лезги хва  Шамил  Мамедов  шад гьалара къаршиламишна. Мярекатда школадин директор Имара Заловади, муаллимри, аялри, тIвар-ван авай спортсменри, и цIарарин авторди ва масабуру иштиракна. Шамил Мамедова 2017-йисуз Белиждин 1-нумрадин СОШ акьалтIарна. Мектебда кIелзавай йисара ам тренер Мингьажудин Къазиеван гуьзчивилик кваз азад­диз кьуршахар кьунал машгъул хьана....

Са тIимил йикъар идалай вилик Казанда какахьай женгерин текба-тек экъечIдай бягьсерай — ММА-дай —  Европадин чемпио­нат ва кIвенкIвечивал  патал акъажунар акьалтIна. Дуьньядин 14 уьлкведин спортсменри чпин устадвал къалурай бягьсера­ россиявийри — гьам итимри ва гьамни дишегьлийри хъсан нетижаяр къазанмишна­. Абурун арада чи ватандаш, вичин ери-би­не Ахцегь райондин Хкемрин хуьряй тир, алай вахтунда Астрахань шегьерда яша­миш...

13-августдиз Физкультурникдин йикъаз­ талукьарнавай мярекат Мегьарамдхуьруьн райондани кьиле фена. Райондин кьил Фарид Агьмедова спортдин хиле зегьмет чIугвазвай са десте юлдашрив Дагъустандин физический культурадин ва спортдин министерстводин патай разивилин чарар вахкана. Шабагьар вахкудайла, Ф.Агьмедова спортсменриз, тренерриз, муаллимриз Физкультурникдин югъ мубаракна, акьалтзавай несилар сагъламбур яз чIехи хьунин карда спортди кьунвай чка къейдна, райондин спорстменрихъ мадни еке агалкьунар...

Ахцегь райондин Фиярин хуьряй тир Гьабиб Атлуевакай грэпплингдай ­дуь­нь­­я­дин чемпион хьана. Идакай “Lezgi­Sport” чешмеди хабар гузва. Дуьньядин кIвенкIвечивал патал акъа­жунар Уфа шегьерда кьиле фена. Чи ватанэгьлиди 58 кг заланвал авайбурун арада гъалибвал къачуна. Къейд ийин хьи, Гь.Атлуева спортдин Махачкъалада кардик квай са клубда вердишвилер къачузва. «Лезги газет»

9-10-августдиз Ахцегьрин хуьре “Хъсанвал ая!” лишандик кваз футболдай машгьур меценат, лезги халкьдин кьегьал хва  Сулейман  Керимоваз  бахшнавай­ тур­­­­нир кьиле фена. Акъажунар тешкилайди ах­цегьви карчи  Нариман  Гъазалиев  я. 2007-2008-йисара дидедиз хьанвай жаванрин арада кьиле тухвай турнирда Чечнядай, Кеферпатан Осетиядай, Ин­гу­ше­тиядай, Карачаево-Черкесиядай, Ма­хач­къаладай, Дербентдай атанвай ва Ахцегь райондин командайри ишти­ракна. Кьве юкъуз давам хьайи акъажунра кьилин­ судьядин...

Докъузпара райондин Усугъчай хуьряй тир Алим  Саидова  и йикъара спортдин рекье нубатдин кукIуш муь­тIуьгъарна. “Lezgi­Sport” чешмеди хабар гузвайвал, чи ватанэгьлидикай какахьай жуьредин единоборствойрай кьиле фейи “UFL SELEC­TION 2” турнирдин кьи­лин женгинин гъалибчи хьана. А.Саидовахъ галаз къуватар алцумиз гьасиррал Абдулмалик Уллу Усон экъечIна. Сад лагьай раунддин эвел кьиляй технический нокаутдалди бягьсина Алим Саидов гъалиб хьана. «Лезги...

ТIвар-ван авай футболист, вичин ери-бине Сулейман-Стальский райондин Эминхуьряй тир Сердер Сердеров Хорватиядин Пула шегьердин “Истра” ФК-диз хъфена. Икьван чIавалди ам Венгриядин “Мёзекведеш” командада къугъвазвай. Алатай сезонда ада иштиракай клуб Венгриядин кубокдин финалдиз акъатнай. * * * Европадин кубок патал 7-8-августдиз Оренбургда дзюдодай кьиле фейи акъажунра чи пагьливанрини кишпирдин медалар къазанмишна. “Вконтакте” соцсетда авай “IEZGI SPORT”...