21-мартдиз Кьурагь райондин, кьилди къачуртIа, Кьурагь, Шимихуьр, Кье­пIир, Кьуьчхуьр хуьрерин жегьилри­, Яран сувариз бахшна, кьиле тухвай­ акъажунра чпин къуватар ахтармиш­на. Идакай чаз «Кьурагь район» МР-дин администрациядин пресс-къул­лугъ­ди хабар гана. Гьар йисуз тешкилун хъсан адетдиз элкъвенвай, милли адетар хуьнихъ элкъуьрнавай и серенжемда иштиракайбуруз спортдин милли жуьрейрай — армрестлингдай, залан шей гваз чукурунай, пут гадарунай, 2000 метрдиз...

22-мартдиз «Альтаир» центрада кьиле­ фейи Вирироссиядин аялринни жаван­рин «Ворошиловский стрелок» фести­­валдин республикадин дережадин акъа­­жунра 14 командади иштиракна. Ана Докъузпара райондин хкянавай коман­да­ди (регьбер — Усугъчай хуьруьн юкь­ван школадин ОБЖ-дин ва НВП-дин муаллим Сарухан Саруханов) 3-чка кьуна. Фестиваль итижлудаказ кьиле фена. Ам аялрин рикIел яргъалди аламукьдайдал шак алач. Медениятдин паюниз талукь­ программадин сергьятра аваз, абур патал...

И йикъара СтIал Сулейманан районда, СВО-дин игит А.Бабаеван тIварунихъ галай 1-нумрадин ДЮСШ-да, школайра кIелзавай рушарин командайрин арада райондин кIвенкIвечивал патал волейболдай акъажунар кьиле фена. Райадминистрациядин пресс-къул­лугъ­ди хабар гузвайвал, Крым Россиядик­ ахкатна 10 йис тамам хьуниз бахшнавай шад мярекатда райондин кьилин замес­титель Заур Къагьриманова, спортдин, туризмдин ва жегьилрин крарин рекьяй комитетдин директор Чингиз Абдулмежидова иштиракна. Абуру ...

18-мартдиз Москвада, «Измайло­во» спорткомплексда, азаддаказ кьур­шахар­ кьунай Россиядин лайихлу тренер Ф.Премильскийдин экуь къа­матдиз­ бахшнавай Вирироссия­дин акъажу­нар акьалтIна. Чи уьлкведин жуь­ре­ба-жуьре регионрай тир 100-ев агакьна пагьливанри заланвилин 10 кате­гориядай чпин гьунарар къалурна. Абурун жергедай яз, чи ватанэгьлийри — Адам Тагъиевани (57 кг) Къайиб Имирасланова (65 кг) — абур кьведни Москвадин патай экъечIзава, гьакI Москвадин областдин патай...

Алатай йисан 15-октябрдилай СтIал Сулейманан районда Кьиблепатан Да­гъустандин школайра кIелзавай аялрин (2007-2009-йисара ханвай) арада мини-футболдай районрин уртах турнир кьиле физвайдакай чна идалай виликни хабар ганай. И йикъара адан нетижаяр кьуна, ярумчух ва финалдин къугъунар кьиле фена. Турнирда Докъузпара райондин аялрин хкянавай командади 2-чка кьуна. ИкI, ярумчух финалда абур «Касумкент-2» командадихъ галаз къугъуна гъалиб хьана. Амма...

10-мартдиз Каспийскда, Али Алиеван тIварунихъ галай спортдин дараматда, гъилералди къуватар алцумунай Да­гъустандин чемпионат кьиле фена. Ана республикадин военно-спортивный 30 клубдай тир 280 спорт­сменди иштиракна. Абурун арада Кьурагь райондин командани (тренер — Къурбан Герейханов, векил — Фахрудин Гьамидов) авай. Командадик кваз иштиракай Нариман Эмирбегова — 2 ва Имам Алибегова 3-чкаяр кьуна. Акъа­жунра «2023-йисан виридалайни хъсанбурукай хъсанди»...

9-мартдиз Каспийскда, Къ.Къу­раме­гьамедован тIварунихъ галай Олимпиа­дадин резервдин спортдин школада, джиу-джитсудай кьиле фейи Дагъустандин Кубок патал акъажунра гъалиб хьайибурун ва приздин чкаяр кьурбурун арада ЦIийи Усуррин, Гъепцегьрин ва КьепIир-Къазмайрин хуьрера тренер-муаллим, джиу-джитсудай дуьньядин са шумудра чемпион ва гзаф маса шабагьрин сагьиб Эйнар Экберован гъилик вердишвилер къачузвай са шумуд жаванни ава. Кьилди къачуртIа, 16 йиса авай жаванрин...

Алатай гьафтеда Москвада, «Аква­риум» спортдин аренада, грэпплингдай­ кьиле фейи дуьньядин чемпионатда ­ви­­ли рангунин чIуларин сагьибрин арада­ чи ватанэгьлияр Артур Къазиев (70 кг-дин заланвал авайбурун арада) ва и мукьвара Египетдин меркез Каир ше­гьерда ММА-дай кьиле фейи дуьньядин чем­пионатдани 1-чка кьунвай Мансур Асваров (80 кг-дин заланвал авайбурун арада) къизилдин медалриз лайихлу хьана. *** Са тIимил йикъар идалай...

Жаванрин агалкьунар Уьлкведин меркезда 28-февралдилай­ 5-мартдалди, «Москвадин ушудин гъетер — 2023» лишандик кваз, ушу-сань­дадай кьиле фейи международный 9-турнир­да­, Россиядилай гъейри, Ин­­донезиядай, Белоруссия­дай, Индиядай, Къазахстан­дай, Къиргъизис­тан­дай, Китайдай тир 500-дав агакьна­ спортсменри чпин ус­тад­вал къалурна. ИкI, ана иш­­тиракай чи ватан­эгь­ли­, вичин ери-бине Ме­гьа­рамд­хуьруьн­ райондин Гарагърин хуьряй тир, алай вахтунда Каспийскда яшамиш­ жезвай Халид Сардарова 75 кг-дал къведалди...