9-мартдиз Каспийскда, Къ.Къурамегьамедован тIварунихъ галай Олимпиададин резервдин спортдин школада, джиу-джитсудай кьиле фейи Дагъустандин Кубок патал акъажунра гъалиб хьайибурун ва приздин чкаяр кьурбурун арада ЦIийи Усуррин, Гъепцегьрин ва КьепIир-Къазмайрин хуьрера тренер-муаллим, джиу-джитсудай дуьньядин са шумудра чемпион ва гзаф маса шабагьрин сагьиб Эйнар Экберован гъилик вердишвилер къачузвай са шумуд жаванни ава.
Кьилди къачуртIа, 16 йиса авай жаванрин арада Ренат Нурагьмедова (50 кг) ва 14 йиса авай жаванрин арада Эльгьам Къанберова (60 кг) — 1, Къазиагьмед Гьажиева ва Исламудин Алиева (кьведани 60 кг-дин заланвал ва 16 йиса авай жаванрин арада) 3-чкаяр кьуна.
Рагнеда Рамалданова
