21-мартдиз Кьурагь райондин, кьилди къачуртIа, Кьурагь, Шимихуьр, Кье­пIир, Кьуьчхуьр хуьрерин жегьилри­, Яран сувариз бахшна, кьиле тухвай­ акъажунра чпин къуватар ахтармиш­на. Идакай чаз «Кьурагь район» МР-дин администрациядин пресс-къул­лугъ­ди хабар гана.

Гьар йисуз тешкилун хъсан адетдиз элкъвенвай, милли адетар хуьнихъ элкъуьрнавай и серенжемда иштиракайбуруз спортдин милли жуьрейрай — армрестлингдай, залан шей гваз чукурунай, пут гадарунай, 2000 метрдиз чукурунай, турникдал чене акъудунай ва командайрин арада цIил ялунай — чпин алакьунар къалурдай мумкинвал авай.

Къизгъиндаказ кьиле фейи акъажунрин нетижада агъадихъ галай ксари гъалибвал къазанмишна:

Мурад Хайирбегов (Кьурагь, армрест­линг), Мансур Къурбанисмаилов (Ашар, турникдал чене акъуду­най), Ислам Бабаев­ (Кьурагь, за­лан шей­ гваз чукуру­най), Мегьа­медрасул­ Ме­гьа­мед­эми­нов (Ашар, пут гадарунай), Аб­дурагьман Ра­ма­занов (Ашар, 2000 метр­диз чукурунай). ЦIил ялу­най­ ДЮСШ-дин команда гъа­либ­ хьана. Командайрин арада  — Ашарин хуьруьн.

Райадминистрациядин ФС-дин ва ДМ-дин отделдин начальник Р.Ра­ма­занова ва ДЮСШ-дин директор Р.Ба­баева гъа­либчийрив­ шабагьар вахкана, Яран сувар теб­рикна.

Рагнеда Рамалданова