Алатай йисан 15-октябрдилай СтIал Сулейманан районда Кьиблепатан Дагъустандин школайра кIелзавай аялрин (2007-2009-йисара ханвай) арада мини-футболдай районрин уртах турнир кьиле физвайдакай чна идалай виликни хабар ганай. И йикъара адан нетижаяр кьуна, ярумчух ва финалдин къугъунар кьиле фена.
Турнирда Докъузпара райондин аялрин хкянавай командади 2-чка кьуна. ИкI, ярумчух финалда абур «Касумкент-2» командадихъ галаз къугъуна гъалиб хьана. Амма финалда «Касумкент-1» командадихъ галаз къугъун 5:3 гьисабдалди акьалтIна.
Докъузпара райондин администрациядин пресс-къуллугъди мадни хабар гузвайвал, командадив – диплом, адан тренер Алирза Ражабовав яргъал йисарин гьакъисагъ зегьметдай, физический культура ва спорт вилик тухуник пай кутунай, сагълам уьмуьр кечирмишун раиж авунай СтIал Сулейманан райондин жегьилрин парламентдин председатель Фарид Девлетханова Чухсагъулдин чар вахкана.
Рагнеда Рамалданова
