Алатай гьафтеда Москвада, «Аквариум» спортдин аренада, грэпплингдай кьиле фейи дуьньядин чемпионатда вили рангунин чIуларин сагьибрин арада чи ватанэгьлияр Артур Къазиев (70 кг-дин заланвал авайбурун арада) ва и мукьвара Египетдин меркез Каир шегьерда ММА-дай кьиле фейи дуьньядин чемпионатдани 1-чка кьунвай Мансур Асваров (80 кг-дин заланвал авайбурун арада) къизилдин медалриз лайихлу хьана.
***
Са тIимил йикъар идалай вилик Ставрополдин крайда, Суворовский станицада, боксдай СКФО-дин кIвенкIвечивал патал 15-16 йисара авай жаванрин арада кьиле фейи акъажунра округдик акатзавай 7 республикадай, гьа гьисабдай яз Дагъустандайни, 200-дав агакьна боксёрри иштиракна.
Дагъустандин хкянавай командади вири санлай 15 медаль къазанмишуналди (абурукай къизилдинбур — 6), 1-чка кьуна.
Къизилдин медалриз лайихлу хьайибурун арада СтIал Сулейманан райондин 1-нумрадин ДЮСШ-дин боксер, КIварчагъа Гь.Аллагьвердиеван тIварунихъ галай бокс вилик тухудай центрада Кьиблепатан зонадин старший тренер Альберт Межидован гъилик вичин устадвал хкажзавай Агьмедагъа Шамсудиновни (63 кг-дал къведалди заланвал авайбурун арада) ава. Чи ватанэгьлиди 4 бягьс кьиле тухвана. Адаз Ингушетиядай, КБР-дай, Ставрополдин крайдай ва финалдани дагъустанви боксерар кумукьна.
Алай вахтунда А.Шамсудинова апрелдиз Самарада кьиле фидай уьлкведин кIвенкIвечивал патал акъажунриз гьазурвал аквазва.
Рагнеда Рамалданова
