“…Самур, Самур! Чими Самур, Къайи Самур Гьар лезгидин бедендавай Туьхуьн тийир иви Самур!..” (А.Саидов. “Самурдикай кьве гаф”) Гьар са халкьдихъ вичин тарих, адетар, эдебият, меденият ава. Абур вири халкьарин бажарагълу рухвайрини рушари арадал гъизва, дагъвийри чпин къулара авай цIай туьхуьр тавуна хуьдайвал, хуьнни ийизва. Ам неинки алатай ва алай девирдин чи дагъвийрин буржи, гьакI къвезмай...
Нубатдин агалкьунар
Лезгийрин машгьур шаир, цIудралди ктабрин автор Сажидин Саидгьасанова интернетдин куьмекдалди къецепатан уьлквейрин яратмишунардайбурун тешкилатрихъ, кьилдин писателрихъ галаз дуствилин алакъаяр хуьзвайдакай чна “Лезги газетдин” алай йисан мартдин вацра акъатай нумрайрикай сада хабар ганай. Шаирди и кIвалах алай вахтундани давамарзава ва и карди бегьерлу нетижаярни гузва. Мукьвара Сажидин Саидгьасанов Кеферпатан Америкадин писателрин союздин “Ни дня без строчки”...
Уьмуьр къиргъин сафунилай ийиз рикIин
ЦIийи ктаб Дяведин йисарин аялар. Бубаяр, вагьши душман кукIвариз, Ватан хуьз, фронтдиз фенваз, абурун веледар фад бегьем, чIехи, фагьумлу, акьуллу хьана, уьмуьрдин четин шартIари лигимарна. ГъвечIи чIавалай зегьмет чIугуни абур фад таптагъарна. Чи гьуьрметлу дуст Казим Мегьамедшерифович Казимовни гьа ихьтинбурукай сад я. “Коммунист” газетдай макъалаяр кIелиз, заз ам са кьадар чизвайтIани, сифте яз зун адахъ...
Туьхуьн тийир нурлу гъед
Алай йис лезги халкьдин рикI алай шаиррикай сад тир, лезги шииратдин цавара куькIвей туьхуьн тийир нурлу гъед Алирза Саидован 90 йисан юбилейдинди я. Гьавиляй адакай жезмай кьван гзаф рахун, ам рикIел хуьн герек я. Сифтегьанбурукай сад яз, чи машгьур алим, писатель ва литературовед Агьед Гьажимурадович Агъаева Алирзадинни Ибрагьим Гьуьсейнован кьетIен бажарагъ кьатIанай ва тебрикнай. Гьакъикъатдани...
Алакьунар къалурна
Алатай гьафтеда Дербент райондин Белиждин аялрин искусствойрин школада 2021-2022- кIелунин йисара музыкадин ва хореографиядин отделенийра чирвилер къачузвайбурун гьахъ-гьисабдин концерт хьана. Ана аялри чпин алакьунар устадвилелди къалурна. Мярекатдин макьсад бажарагъ авай аялар дуьздал акъудун, гьакI абуруз куьмекар гун, абур вилик тухун, гьевес кутун, милли авазарни кьуьлер кIанарун, абур раиж авун тир. Ана Дербент райондин культурадин отделдин...
Цуькверин сувар арадал хкизва
И мукьвара Ахцегьа, райондин библиотекадин кIелдайбурун залда, Россиядин халкьарин медениятдин ирсинин йисан серенжемрин сергьятраваз Цуькверин сувар тешкил хъувунин важиблу месэладиз талукьарнавай элкъвей столдин заседание хьана. Райондин культурадин, спортдин, жегьилрин политикадин ва туризмдин управлениди (МКУ “УКСМПиТ”) кьил кутунвай и серенжемда муниципальный къуллугъдин ветеран, РД-дин образованидин лайихлу работник Алмас Шуаева, райондин общественный палатадин председатель Али Исмаилова, педагогвилин...
Шаирдин гьуьрметдай
Мукьвара Махачкъаладин 42-нумрадин школада лезгийрин машгьур шаир Лезги Няметан 90 йис тамам хьуниз талукьарнавай мярекат кьиле фена. Ана школадин 5-8-классра кIелзавай аялри ва ина зегьмет чIуг-вазвай лезги муаллимри — Рагнета Къадималиевади, Диляра Рефиевади, Оксана Нурметовади, Гуьлназ Бабаевади ва масабуру иштиракна. Лагьана кIанда, 42-нумрадин школада лезги шаиррин юбилейриз талукь мярекатар тешкилун адетдиз элкъвенва. Шегьердин аялриз акьван...
Гафарин алемдай
АМБИЛ — туьрездик кутунвай яцарин сад лагьай жуьт (и гаф ТIагьиржалрин хуьруьн нугъатда ава). АСТАМ (-ди, -да, -ар) — вич гъиле кьуна, са затI къадгъундай алат (и гаф У.Мейлановадин, А.Гуьлмегьамедован гафарганра гьатнава). БАРЗУКЬ (-ди, -да, -ар) — и гафунихъ, А.Гуьлмегьамедован “Лезги чIалан словарда” къалурнавайвал, пуд мана ава: 1) тапанчи; 2) къуьруь гапур; 3) куьт инсан....
Мубаракрай!
Ахцегь райондин Ухулрин хуьряй тир намуслу, мегьрибан дишегьли, саки яхцIурни цIуд йисуз Дагъустан Республикадин зегьметдин ва яшайишдин рекьяй вилик финин министерствода гьакъисагъвилелди кIвалахай Къурбанова Асмая Ниязовнадиз Махачкъалада яшамиш жезвай Абдулгъаниеврин хизанди ва санал кIвалахай юлдашри 70 йисан юбилей тебрикзава. Асмая Ниязовнади, къуллугъдин везифаяр пешекарвилелди, гъавурда аваз, намуслувилелди, бегьерлувилелди кьилиз акъудуналди, кIвалахдин юлдашрихъ галаз хуш рафтарвал...
Лезги сканворд
“ЛГ”-дин 21-нумрадиз акъатай кроссворддин жавабар: Дуьз цIарара: 5. Сердер. 8. Бармак. 9. Алава. 10. Илим. 11. Бала. 12. Дабан. 13. Тарта. 16. Явшан. 19. Къалхан. 20. Селигъа. 21. Хайма. 23. Арина. 25. Рутул. 27. Язух. 29. Азад. 30. Идара. 31. Англия. 32. Хундуз. Тик цIарара: 1. Девлет. 2. Адам. 3. Араб. 4. Тарлан. 6. Ранда....