14-февралдиз Махачкъалада, Тахо-Го­ди­дин тIварунихъ галай Милли музейдин конференцийрин залда, Да­гъустандин медениятдин ирс хуьнин рекьяй Агентстводин регьбер Махач Мусаев республикадин СМИ-рин   векилрихъ, жемиятдин активист­рихъ, машгьур блогеррихъ галаз гуьруьшмиш хьана. Ана Агентстводин общественный советдин векилрини иштиракна. М. Мусаев 2024-йисуз кьиле тухванвай кIвалахрикай ва алукьнавай йис патал вилик эцигнавай везифайрикай рахана. М. Мусаева хабар гайивал, «Россиядин халкьарин медениятдин...

И йикъара Махачкъалада, Къумукьрин А.-П. Салаватован тIварунихъ галай госмуздрамтеатрда, Дагъустандин Халкьдин Собранидин Председатель Заур Аскендерова тереф хуьналди, «Живи и дари жизнь другим» мергьяматлувилин фондуни, «кьетIен аялриз» бахшна, мергьяматлувилин концерт гана. Адан макьсад кIевиз азарлу, бедендин мумкинвилер сергьятламиш хьанвай  аялрин тIал алай месэлайрал жемиятдин ­фикир желб авун, куьмек гун, абурун гуьгьуьл къачун, ихьтин аялрин арадай бажарагълубур...

Гьар са рекьяй вилик физвай СтIал Сулейманан районда­ санлай культурадиз, халкьдин сеняткарвал кIвачел ахкьалдаруниз, марифатдиз, машгьур ксарин лишанлу йи­къар­ къейд авуниз, суварриз  талукь яз республикадин ва международный дережада авазни мярекатар кьиле тухунин, культурадин дараматар алай аямдин истемишунриз килигайбур хьунин ва ихьтин маса рекьерайни эхиримжи­ йисара иллаки еке кIвалах кьиле тухвана. Чун и кардин шагьидар я....

Халкьдикай халкь ийизвай эвелимжи шартI адан чIал я. Эгер са миллет терг ийиз кIанзаватIа, тур-тфенг герек туш. ЧIал амукь тавуртIа, ам вич-вичелай терг жеда. ЧIал гъиляй вегьин, фикир тагун, гьуьр­мет тавун, рикIелай алудун — им руьгь­дин кесибвал я. Сифте нубатда чи чIал чна хвена кIанда. За и макъала кхьинихъ ахьтин себеб ава хьи, жуьреба-жуьре пешейрин...

Къадим Ахцегьрин хуьруькай сифте ктаб машгьур алим Жонрид Агьмедова кхьена, 1975-йисуз чапдай акъуд­на. ЦIийи девирда адан рехъ бажарагълу публицист Дашдемир Шерифалиева лайихлудаказ давамарзава. Алатай йисан эхирда ада Расул Гьамзатован тIварунихъ галай РД-дин Милли библиотекадиз хъсан савкьат, вичин гзаф йисарин зегьметдин нетижа — «Ахцегь район: тарихдин рехъ» ктаб, гъана. (Къейд ийин: Д. Шерифалиев «Шарвили эпос: цIийи...

18-февралдиз Махачкъалада, Урусрин театрдин залда, Да­гъустандин медениятдин министерстводин коллегиядин заседание кьиле фена. Мярекатдин сергьятра аваз, са жерге дагъустанвийрив РД-дин Гьукуматдин Председателдин заместитель Муслим Телякавова гьукуматдин шабагьар вахкана. Шабагьриз лайихлу хьайибурун арада хейлин йисара «Лезги газетдин» редакциядин эдебиятдин отделдиз регьбервал гайи машгьур шаир, публицист, таржумачи Мердали Жалиловни ава. Адаз Дагъустандин Кьил Сергей Меликован Указдалди Расул Гьамзатован...

(Етим Эминан 185 йисан къаршида) ЦIинин йисуз лезги литературадин бине эцигай Етим Эмин дидедиз хьайидалай инихъ 185 йис тамам жезва. Ам рагьметдиз фена 145 йис алатнава. Амма адан ирс тамамдаказ кIватI хъувунва, адан ашкара тир эсеррай чна бегьемдаказ кьил акъуднава къени лугьуз жедач. Мисал патал къачун чна адан «Дуьнья­ гургьагур» шиир. А эсер, аквадай гьаларай­,...

Асалдхуьр СтIал Сулейманан райондин кьиблепата, Кьасумхуьрелай 5,5 километрдин мензилдин агъадихъ экIя хьанва. Къунши хуьрерик Цийи Испик, Бутахуьр, Салиян, Пиперхуьр, Зугьрабахуьр, Уллу-Гъетягъ акатзава. Асалдхуьруьн тIвар адан бине кутур Асалидихъ галаз алакъалу я. Ам къурбанддин гьайванар тукIвадай кьасабчи тир лугьуда. Асалидин сур хуьруьн сурарин виле акьадай чкадал ала. 1886-йисан переписдин делилрал асаслу яз, Асалдхуьре 318 касдикай ибарат...