Дагъустандихъ аграрный сектор еримлу авунин ва патарихъай гъизвай метягьар эвездай затIар гьасилунин еке мумкинвилер ава. Ихьтин фи­кир, кIвалахдин рекьяй Владивостокда авайла, РД-дин Кьил Сергей Меликова “Интерфаксдиз” малумарна. “Чахъ чи майданра бул бегьер гудай багъманчивилин хел, якIун ва некIедин производство гегьеншдиз еримлу ийидай, гьакIни икьван чIавалди къецепатан уьлквейрай гъиз хьайи шуьмягъар, бадамар бес кьадарда гьасилиз жедай...

6-сентябрдиз РагъэкъечIдай патан экономикадин форумдин (ВЭФ) сергьятра аваз РФ-дин Президент Владимир Путинан регьбервилик кваз алай аямдин шартIара туриствилин милли индустрия еримлу авунин месэлайрай Государстводин Советдин Президиумдин гегьенш заседание кьиле фена. Ана РД-дин Кьил Сергей Меликовани иштиракна. Уьлкведин Президентди гьар жуьредин къазанжияр къачузвай агьалийриз сиягьат ийидай, сагъламвал мягькемардай, курортриз ва ял ядай маса чкайриз фидай ге­гьенш...

Чаз кхьизва “Лезги газетдиз” 2022-йисан 21-июлдиз акъатай нумрада Мегьарамдхуьруьн райондин агьалийрин багъ-бустанда цанвай тарарихъ, анра авай магьсулрихъ галукьнавай  “Ла­цу цикада” лугьудай азардихъ галаз женг чIугуниз талукьарнавай макъала чапнавай. Хуьруьн агьалийриз  газетдикай чара кIан­завай. Гежел вегьин тавуна, азардихъ галаз женг тухун газетдин редакция­ди Тагьирхуьруьн-Къазмайрилай тир хуьруьн майишатдин илимрин кандидат Теймур Гьабетулаевич Гьабибовални Мегьарамдхуьруьн райондин “Хуьруьн майишатдин...

Салан майваяр, емишар гьасилунай Дербент район республикада гьамиша кIвенкIве чкайрал алайди я. Алай йисузни и кIвалах гьа дережада кьиле физва. Хуьруьн майишатдин агрофирмайра зегьмет чIугвазвай рабочийри, хсуси ма­йишатрин иесийри, йисан сифте кьилелай башламишна, шегьер­эгьлийрин суфраяр витаминар квай салан майвайралди, емишралди таъминарна. Дербент район республикада ци­пи­цIар гьасилунайни вилик жергейра ава. Республикада гьасилзавай вири ципицI­рин кьадардал гьалтайла,...

Алайди чуьлдин кIвалахрин къизгъин вахт я. Кьилди къачуртIа, СтIал Сулейманан райондин хуьруьн майишатдин карханайри, фермервилинни лежбервилин майишатри ва арендаторри алай вахтунда емишар, саланни бустандин няметар кIватI хъийизва. Уьзуьм­чияр патални жавабдар вахт алукьна­ва, абурун вилик битмиш хьанвай ципицI­рин бегьер вахтунда ва пучвилер авачиз кIватI хъувунин везифа акъвазнава. Эгер алатай йисуз районда 15292 тонн ци­пицIар кIватI хъуву­найтIа,...

И йикъара Ахцегь райондин общественный майишатра зулун магьсулрин бегьер кIватI хъувуна. Зулун тумар цайи 505 гектардай ина 751 тонн техил  къачуна, яни гьар са гектардай юкьван гьисабдалди — 13,8 центнер. Бегьер гьиниз ийизва лагьайтIа, зулухъ цадай тум хкяна, амайди базардин къиметрай муьштерийриз маса гузва. 505 гектардай 751 тонн техил гзаф яни, тIимил? Цик квачир­ чи­лер...

Дагъустанда ципицIрин бегьер кIватI хъийидай вахт алукьнава 27-августдиз  министерствойринни ведомствойрин къуллугъчийри регионда сифте яз кьиле фейи серенжемда  иш-тиракна ва саки 20 тонн ципицIар кватIна. И кардик кьил кутурди  РД-дин Гьукуматдин председатель  Абдулмуслим Абдулмуслимов я. Серенжемда РД-дин сад лагьай ви­це-премьер Руслан Алиева, вице- премьерар тир  Мурад Къазиева, Нариман Абдулмуталибова, Заур Эминова, гьакI­ни кьиле  чпин  руководителар аваз ...

Белижда помидорринни афнийрин консервияр, мижеяр, компотар, аджика ва маса продукция арадал гъизвай завод кардик кваз са шумуд йис я 2009-йисалай “Ширван” карханадин рягьбер, Дагъустандин “100 хъсан карчи” конкурсдин гъалибчи я. Советрин девирда Белиж промышлен­ностдин карханаяр авай поселок тир. Тек са кон­сервияр акъуддай заводда пуд сменада агъзурралди рабочийри ва инженерри, акъваз тийиз, йиф-югъ талгьана, кIвалахзавай. Колхозри,...

23-августдиз “Дагестан” РИА-дин майдандал  кьиле фейи конференциядал РД-дин  хуьруьн майишатдин ва суьрсетдин  министр  Мухтарбий Аджекова ведомстводин  кIва­лахдикай суьгьбетна. Министрди къейдна хьи, цIинин йисан сад лагьай паюна  республикадин хуьруьн майишатдин хиле хъсан (96 процентдин)  нетижаяр къазанмишна. “Чкадин аграрийрихъ чпин продукция гьасилдай ва маса гудай, гьа идалди республикадин бюджет хкаждай мумкинвал хьана. Чкадал гьасилзавай продуктар уьлкведилай къецепатаз...