РФ-дин Гьукуматдин Председателдин заместитель — РФ-дин промышленностдинни алишверишдин министр Денис Мантурова ва РД-дин Кьил Сергей Меликова Къизляр шегьердиз фейидалай кьулухъ журналистрихъ галаз суьгьбетна.

Промышленностдин жигьетдай Дагъустандихъ авай мумкинвилериз къимет гудайла, Д.Мантурова къейдна: “Чаз къе неинки КЭМЗ концерндихъ галаз таниш жедай, гьакIни региондин маса проектрин нетижаярни аквадай мумкинвал хьана. Са рахунни алачиз лугьуз жеда хьи, идарайрихъ авай мумкинвилер чIехибур я”.

Россиядин вице-премьердин гафаралди, Къизлярдин электромеханикадин заводдин коллективдин, адан регьбердин нетижайри ам гьейранарнава. Ада пружинар арадал гъунин рекьяй ина кардик квай къайдаяр Россияда мад авачирдакай, им надир цех тирдакай лагьана.

Денис Мантурова КЭМЗ-дин гъвечIи самолетдизни, вертолетдизни фикир гана. “Захъ авиациядин жигьетдай тежриба авайди я. И чешнейриз гележег ава”, — къейдна ада.

«Лезги газет»