Куьмекдин хсуси майишат кьиле тухузвай россиявийриз 5 процентдив агакьдалди ставкадин шартIуналди кьезил кредит (гьа гьисабдай яз инвестициядин макьсаддалди) къачудай мумкинвал гуда. Идакай уьлкведин премьер-министр Михаил Мишустина хабар гана.
Адан гафаралди, кредит къачуз жедай ксарин гьисабдик пешедиз талукь налог вахт-вахтунда гузвай ЛПХ-рин иесияр кутунва. Къейдзавайвал, ихьтин къарар кьабулунин макьсад хуьруьн чкайра гъвечIи карчивилин хилез куьмек гун я.
Ада гъавурда твазвайвал, нетижада хуьрера яшамиш жезвай ва чпи чеб кIвалахдалди таъминарзавай ксариз неинки чеб недай суьрсетдалди таъминардай, гьакIни хуьруьн майишатдин суьрсет гьасилунин ва я гьялунин хиле хсуси производство гегьеншардай мумкинвал жеда. Ибур вири Россия недай суьрсетдалди нетижалудаказ таъминарунин месэла гьялунин рекье кьабулзавай серенжемар яз гьисабзава.
«Лезги газет»
