26-майдиз Дагъустандин мектебра эхиримжи зенг ягъунин мярекат кьиле фена. Алай йисуз республикадин мектебрин 11-классар 11 агъзурдалай гзаф, 9-классар 46 агъзурдалай гзаф аялри акьатIарзава. РД-дин образованидин ва илимдин министрдин везифаяр вахтуналди тамамарзавай Ягья Бучаева, выпускникрихъ элкъвена, тебрикдин ва насигьатдин келимаяр лагьана. «Эхиримжи зенг – им неинки мектебра кIелунин йисар акьалтIарзавай эхиримжи югъ я, ада гьакIни куьне...
И йикъара Болгариядин Самоков шегьерда кьуршахар кьунин пуд жуьредай (азаддаказ, грекринни римлуйрин жуьреда ва дишегьлийри кьуршахар кьунай) 15 йисал къведалди жаванрин арада кIвенкIвечивал патал кьиле фейи акъажунра Россиядин хкянавай командаяр 1-чкайриз лайихлу хьана. Кьилди къачуртIа, дагъустанви тренер Арсланбег Алиеван регьбервилик кваз азаддаказ кьуршахар кьунай Россиядин хкянавай командади, санлай къачурла, 6 медаль къазанмишна (абурукай 4 къизилдинбур...
Зенд Алай девирдин лезги эдебиятдин мягькем дестекрикай сад тир Азиз Мирзебегов гафуникай устадвилелди менфят къачузвай, шииратдин гафуна гьиссер къалуриз алакьзавай писатель я. Амма ам анжах шииратдин рекье зегьмет чIугвазвайбурукай туш. Заз чиз, филологиядин илимрин кандидат Азиз Абдулмировича шииратда, гьикаятда, таржумайра, литературоведенида, театроведенида ва яратмишунин маса хилера чIугунвай ва чIугвазвай зегьметдин нетижайри милли эдебиятдални медениятдал рикI...
Махачкъаладин «Динамо» команда Россиядин премьер-лигада амукьда. 2025/2026 лагьай сезондин нетижада «Динамо» акъажунрин таблицада 14-чкадал хьана. Дагъустандин команда уьлкведин виридалайни машгьур лигадай акъатиз са кIам-шам амай. Къейд ийин, эхиримжи турда чибур 17-майдиз «Анжи Аренадал» Москвадин «Спартакдихъ» галаз къугъвана, матч 0:0 гьисабдалди акьалтIна. Сезондин муддатда анжах 26 хал къазанмишиз алакьай «Динамо» РПЛ-да амукьун патал Екатеринбургдин «Урал» командадихъ...
30-майдин йикъан сятдин 11-даз Докъузпара райондин Миграгъа путар хкажунай 6-фестиваль кьиле фида. Спортдал рикI алай вири ксаривай, гьам аялривай ва гьамни чIехибурувай ана иштиракиз, чпин устадвал къалуриз жеда. Гъалибчийриз серенжемдин тешкилатчийри пишкешарни гьазурнава. Докъузпара райондин администрациядин, электроникадин «Медиа-маркет» (Белиж посёлок), «Даг-Кровля» (Дербент) туьквенрин куьмекни галаз кьиле тухузвай фестивалдин кьилин тешкилатчи Дагъустандин путарин спортдин федерация (председатель...
Киви Шикилдай аквазвайди къуш я, амма адавай лув гуз жезвач. Алимри тестикьарнавайвал, кивидин ватан ЦIийи Зеландия я. Гьейран жедай кар ам я хьи, и къуш нек хъвадай гьайвандиз тешпигь я: ам чилел къекъвезва, цIакулар чIарариз ухшар я. Санлай кивийрин 5 жуьре аваз гьисабзава. Яргъи кIуфун куьмекдалди кивидивай чил 12 сантиметрдин дериндиз эгъуьниз жеда. Къати рангарин...
ДАССР-дин культурадин лайихлу работник, зегьметдин ветеран, Ахцегьрин 1-нумрадин юкьван школада 41 йисуз аялриз тарсар гайи, анин музейдин, хайи край чирдай, туризмдинни геологиядин ва гьакIни гел жагъурдайбурун кружокрин регьбервал авур гьуьрметлу муаллим рагьметлу Жафаров Бейбала Асланович, адавай тербия ва чирвилер къачур садан рикIелайни алатдач. Адан ученикри илимдин жуьреба-жуьре хилерай Уфада, Усть-Каменогорскда, Оренбургда ва маса шегьерра кьиле...
М. Ломоносован тIварцIихъ галай МГУ-дин студентка, сиясатчи, журналист, Госдумадин къвалав гвай Жегьилрин парламентдин информациядин сиясатдин рекьяй комиссиядин векил Зарина Рфагьмановадихъ и мукьвара мад са зурба агалкьун хьанва: международный дережадин «Урус чIалал рахазва, кхьизва, фикирзава» машгьур конкурсда гъалиб хьун. Къанни ругуд уьлкведай, гьа жергедай яз Франциядай, Италиядай, Португалиядай, Туьркиядай, Швециядай, Вьетнамдай, Египетдай ва масанрай тир журналистри...
Игит. Инсаният патал зурба крар ийизвай инсан. Четин вахтара игитриз кичIевал хас туш. Са бязи инсанар игитвал авуниз пешеди мажбурзава: женгчияр, цIукай хуьдайбур, полициядин къуллугъчияр, духтурар ва икI мад. Инсанар хуьн, абур кьиникьикай къутармишун абуруз руьгьдин истемишун я. Къе чи викIегь ватанэгьлийри дяведин махсус серенжемда чеб халис ватанпересар тирди къалурзава, абуру бубайрин, чIехи бубайрин крар,...
СВО-да иштиракзавайбур вири халис игитар я. Аскеррин ва абурун хизанрин дерди-бала туькIуьрун, игьтияжар таъминарун, куьмекар гун — ибур къенин юкъуз СтIал Сулейманан райондин администрациядин эвелимжи везифайриз элкъвенва. Мукьвара Герейханован хуьруьн 2-отделенидин Белинскийдин тIварунихъ галай куьчеда авай агьалийри райондин администрациядиз электричестводин эквералди таъминарунин кIвалах хъсанарунин патахъай арза авунай. И куьчеда СВО-дин иштиракчийрин 3 хизан яшамиш жезва....
