30-майдин йикъан сятдин 11-даз Докъузпара райондин Миграгъа путар хкажунай 6-фестиваль кьиле фида. Спортдал рикI алай вири ксаривай, гьам аялривай ва гьамни чIехибурувай ана иштиракиз, чпин устадвал къалуриз жеда. Гъалибчийриз серенжемдин тешкилатчийри пишкешарни гьазурнава.
Докъузпара райондин администрациядин, электроникадин «Медиа-маркет» (Белиж посёлок), «Даг-Кровля» (Дербент) туьквенрин куьмекни галаз кьиле тухузвай фестивалдин кьилин тешкилатчи Дагъустандин путарин спортдин федерация (председатель – Магелан Саидов) ва РД-дин физический культурадинни спортдин министерство, ФЛНКА ва «Леки» фонд я. Информациядин рекьяй «Лезги газетди» куьмек гузва. Суалар пайда хьайитIа, телефондин +7 928-218-79-33 нумрадиз зенгна, чириз жеда.
«Лезги газет»
