Къе лугьуз жеда хьи, сентябрдин варз политикадин жигьетдай чи республика патал кьетIенди ва важиблуди хьана. РД-дин Халкьдин Собранидин депутатри Дагъустан Республикадин Кьилин къуллагъдал Владимир Васильев хкяна. 9-сентябрдиз Дербент, Избербаш, Къизилюрт, Хасавюрт шегьерра ва Ботлих, Гергебил, Гуниб, Докъузпара, Къарабудахкент, Къизилюрт, Леваша, Новолак районрани Бежтадин участокда сечкияр тешкиллудаказ кьиле фена. Анра шегьеррин, районрин собранийриз депутатар (санлай 290...
Дагъларин уьлкве ва инин халкьарин кьисмет, умуьр гьар са девирда важиблу, зурба, муракаб пара вакъиайрихъ галаз алакъалу хьана. Эхиримжи кьве асирда республикадин кьисмет гьялай, ам гьар са терефдихъай вилик тухудай вакъиаярни, мярекатарни кьиле фена. 1917-йисан зулуз инкъилабчийри Урусатдин пачагь тахтунай вегьена, Советрин гьукумдин къурулушар арадал гъана. Гьа гьисабдай яз — Дагъустандани. Амма вири дагъвийри инкъилаб...
12-сентябрдиз Мегьарамдхуьруьн райондин кьил Ф. Агьмедова кьилдин месэлайрин патахъай агьалияр кьабулна. Икl, нубатдин сеферда райондин кьилин патав 13 агьали атана ва абуру жуьреба-жуьре хилериз талукь месэлайрин патахъай чпин тlалабунар лагьана. Мегьарамдхуьруьн администрациядин пресс-къуллугъди «Лезги газетдиз» хабар гузвайвал, агьалийри авур тlалабунар, асул гьисабдай, кlвалах жагъурун патал куьмек гуниз, чилериз ва яшайишдиз талукь месэлайрихъ галаз алакъалу тир....
6-9-сентябрдиз Къазахстандин Астана шегьерда спортдин грэпплинг жуьредай кьиле фейи дуьньядин чемпионатда Сулейман-Стальский райондин Эминхуьряй тир Далгат Османова (62 килограммдин заланвиляй) сад лагьай чка кьуна. Идакай «Лезги газетдиз» Сулейман-Стальский райондин администрациядин пресс-къуллугъди хабар гузва. Далгат Османова Дагъустандин гьукуматдин медицинадин университетда 1-курсуна кlелзава. Кьве юкъуз кьиле фейи къизгъин акъажунра гъалибвал къачун патал 21 уьлкведай 800-далайни гзаф спортсменри...
И мукьвара Махачкъалада, Расул Гьамзатован тIварунихъ галай Милли библиотекадин конференцийрин залда, шаир Саират Агьмедпашаевадин “Рубаияр” (тираж 1000 экземпляр) тIвар алаз урус чIалал Москвада чапдай акъатнавай сад лагьай ктабдин презентация кьиле фена. Рубаияр урус чIалаз элкъуьрайди дагъустанви шаир, бажарагълу таржумачи Мамед Халилов я. РикIел хкин: Саират Ферзилаевнадин философиядин тах квай кьуд цIарцIин шииррин сад лагьай ктаб...
Дагъустан Республикадин Кьилин къуллугъдал хкянавай Владимир Васильева алай йисан сифте кьиляй регионда гъиле кьур коррупциядиз акси кIвалах давамарда. РД-дин Халкьдин Собранидин депутатрин вилик рахадайла, В.Васильева лагьана: “Чна квелай башламишнай? Коррупциядихъ ва криминалдихъ галаз женг чIугунилай. Чна кьил кутуналди, Россиядин Генеральный прокуратурадин комиссияди республикадин властдин органра закондал амал тавуниз талукь ахтармишунар кьиле тухвана; Федеральный антимонопольный къуллугъдин...
Кеферпатан Кавказдин Федеральный округда РФ-дин Президентдин тамам ихтиярар ганвай векил Александр Матовникова вичин куьмекчи Алексей Гьасанов Дагъустан Республикада Федеральный Кьилин инспекторвиле тайинарна. Тамам ихтиярар ганвай векилдин аппаратдин пресс-къуллугъдин хабарда лагьанвайвал, Александр Матовникова и йикъара РД-дин Кьил Владимир Васильеваз А.Гьасанов Федеральный Кьилин инспекторвиле тайинарнавайдакай малумарна. Алексей Гьасанова 2017-йисан августдилай СКФО-да РФ-дин Президентдин тамам ихтиярар ганвай векилдин...
Дагъустан Республикадин Кьилин къуллугъдал хкянавай ва вичин везифайрив эгечIнавай Владимир Васильева 61 йисан яшда авай Ильяс Умаханов республикадин исполнительный властдин патай Федерациядин Советдин вице-спикервиле тайинар хъувуна. Къарарда къейднава: “Дагъустан Республикадин государственный властдин исполнительный органдин патай РФ-дин Федеральный Собранидин Федерациядин Советдин членвилин векилвилер Умаханов Ильяс Мегьамед-Саламовичаз гун”. Дагъустан Республикадин Халкьдин Собранидин патай сенатор Сулейман Абусаидович Керимов...
Дагъустан Республикадин Халкьдин Собранидин депутатри Владимир Васильев региондин Кьилин къуллугъдал хкягъайдалай гуьгъуьниз республикадин гьукумат отставкадиз фенва. Амма Гьукуматдин цIийи состав арадал гъидалди ада вичин везифаяр тамамарун давамарда. “Дагъустандин гьукуматди вичин векилвилер хивяй акъудунихъ галаз алакъалу яз, за къарар акъудзава: ЦIийи гьукумат тешкилдалди Дагъустандин гьукуматди вичин везифаяр кьилиз акъудун давамарин”, — лугьузва Дагъустандин Кьилин Указда. В.Васильева...
“Лезги газетдиз” РД-дин Кьилин ва Гьукуматдин Администрациядин пресс-къуллугъди хабар гайивал, ислен юкъуз Владимир Васильеван регьбервилик кваз Махачкъалада совещание кьиле фена. Законодательный, исполнительный ва чкадин самоуправленидин органрин руководителри иштиракай мярекатдин сергьятра аваз са шумуд месэла веревирдна. Республикадин Кьили Дагъустандин вилик-кьилик (элита) квайбурун уьмуьрдин гурвал, кьадардилай артух девлетар хьун кьетIендиз къейдна. “Дагъустан патал четин вахтар акьалтIнава. Вилик-кьилик...
