6-9-сентябрдиз Къазахстандин Астана шегьерда спортдин грэпплинг жуьредай кьиле фейи дуьньядин чемпионатда Сулейман-Стальский райондин Эминхуьряй тир Далгат Османова (62 килограммдин заланвиляй) сад лагьай чка кьуна. Идакай «Лезги газетдиз» Сулейман-Стальский райондин администрациядин пресс-къуллугъди хабар гузва.
Далгат Османова Дагъустандин гьукуматдин медицинадин университетда 1-курсуна кlелзава. Кьве юкъуз кьиле фейи къизгъин акъажунра гъалибвал къачун патал 21 уьлкведай 800-далайни гзаф спортсменри бягьсер кьиле тухвана.
12-сентябрдиз гъалиб хьайи Далгатахъ галаз ДГМУ-дин ректор Сулейман Маммаев гуьруьшмиш хьана.
Далгат Османов 12 йисан яшда авай чlавалай инихъ спортдал машгъул жезва.
«Лезги газет»
