Кеферпатан Кавказдин Федеральный округда РФ-дин Президентдин тамам ихтиярар ганвай векил Александр Матовникова вичин куьмекчи Алексей Гьасанов Дагъустан Республикада Федеральный Кьилин инспекторвиле тайинарна.
Тамам ихтиярар ганвай векилдин аппаратдин пресс-къуллугъдин хабарда лагьанвайвал, Александр Матовникова и йикъара РД-дин Кьил Владимир Васильеваз А.Гьасанов Федеральный Кьилин инспекторвиле тайинарнавайдакай малумарна.
Алексей Гьасанова 2017-йисан августдилай СКФО-да РФ-дин Президентдин тамам ихтиярар ганвай векилдин куьмекчивиле кIвалахзавай. Идалай вилик ада Дагъустан Республикадин властдин органра жуьреба-жуьре къуллугъар тамамарна. А.Гьасановакай РД-дин образованидин ва илимдин, РД-дин милли политикадин рекьяй министр, Дагъустандин Кьилин ва Гьукуматдин Администрациядин руководителдин сад лагьай заместитель хьана.
Чи мухбир
